Váhčira meahcceguovlu

15.9.2020
Koronavirusa geažil luonddusge lea ágga atnit dorvogaskkaid ja čuovvut earenoamáš giehtahygieniija ee. stobuin, dolastallanbáikkiin ja hivssegis fitnamiid maŋŋá. Meahciráđđehusa linnjemat ja rávvagat beaiváduvvojit, go almmolaš koronarávvagat šaddet dárkileabbon.
Geahča lassidieđuid ja čuovo min rávvagiid.
destination-hero-default-alt

Davvi-Lappi, Anár
Viidodat 1550 km2, vuođđuduvvon 1991


 

Váhčira meahcceguovllu jaskatvuohta ja luonddudilli guoskkaha olbmo. Doppe jos gos oažžu vásihit duođalaš meahcceguovllu. Váhčirii gullet Anájávrri nuorttabeale guovllut guorba gáttiiguin ja lohkameahttun sulluiguin ja Norgga ja Ruošša rájiid gaskii báhcci viiddis meahcceguovlu, man siste leat valjis čázádagat. Váhčira meahcceguovlu lea oassi suopmelaš-norgalaš-ruošša suodjalanguovloollisvuođas, Pasvik-Anár Trilateral Párkkas (pasvik-inari.net, suomagillii). Guovllu ođđasat (prosjekt.fylkesmannen.no, eaŋgalasgillii). Váhčir lea guhkkin boaittobealde Čeavetjávrri nuortalašgilis máttás, stuorra Anárjávrri duohken, Norgga ja Ruošša rájiid vuostá geainnuhis gaskkaid duohken, ja dát dáhkida dan ahte ii goittot mássáturisma boađe goassige muosehuhttit dán meahcceguovllu ráfi.

Váhčir lea luonddu dáfus guorba ja geađgás guovlu, gos gávdnojit beahcevuovddit, jeakkit ja čázádagat. Meahcceguovllu davvenuorttageahči, ieš dat Váhčira badjosat, leat jalges duottarčielggit. Guovllu lagešvuvddiid duššadii 1960-logus lastamáhtu, mii ovddežisge lasihii guovllu guorbbasvuođa. Vánddardeaddji dáfus meahcceguovlu gáibida ollu dan rámššasvuođa dihte. Dan juovaid sisa ja lohkameahttun ládduid gaskii ii gánnát hárjánmeahttun vánddardeaddji vuolgit. Vánddardeaddjit johtalitge eanaš Anárjávrri guovllus, mii lea bivnnuhis guolástanguovlu. Luonddudilálaš guollebáikkit gávdnojit goittot maiddái Váhčira meahcceguovllu jávrriin. Guovllu čađa mannet guokte mohtorgielkámáđija Čeavetjávrái, nubbi vuolgá Avvilis ja nubbi Njellimis. Vázzi olbmui lunddolaš johtolagat meahcceguvlui bohtet davil Jáŋkela ja máttil Kessi bokte.

Váhčira meahcceguovllus leat olbmot eallán luondduealáhusaiguin juo don doložis ja ná lea ainge. Anárjávrri vuotnabađain lea soames meahccedállu, main eallinvuohki ja ealáhusat leat seilon gitta dássážii dadjat juo seammán.

Guovllu dikšu: Meahciráđđehus, Lappi Luonddubálvalusat (Lapin Luontopalvelut).

Dán siiddu čujuhus lea lundui.fi/vahcir.