Davvi-Lappi, Anár
Viidodat 153 km2, vuođđuduvvon 1991


 

Čárbmoaivvi meahcceguovlu lea viehka uhcci, muhto duovdagiid dáfus erenoamáš duottarmeahcceguovlu Anára gielddas Ruošša ráji lahkosiin. Meahcceguovlu lea Avvilis Njellimii ja Rájijovssehii manni geainnuid ja Ruošša ráji gaskkas. Meahcceguovllu váibmosa hábmejit Čárbmoaivvi badjosat ja Akalauttapää (Ákálávttááuáiváš), maid sirre nubbi nuppis čiekŋalis Bahásgurra (Pahaskurrâ).

Duottarguovllu birra šaddet lahppoguossavuovddit ja davábealde boares háikavuovddit. Vilttiin vuohču čoaska lávttas, ja gáldožiid čáziin golggiidit ádjagat, mat luitet loahpas Lohttui dahje Báhčaveaijohkii.

Guovllus eai leat vánddardanrusttegat, muhto hárjánan vánddardeaddji loaktá bures moanaidge beivviid Čárbmoaivvis dan fiinna duovdagiid geažil. Čárbmoaivvi čáppa duovdagiin gávdnojit buot Sámi luonddu sárgosat, maid vánddardeaddji ohcá. Meahcceguovllu ráji ala mannet ee. Gonddosjávrri (Kondosiijävri) ja Naŋŋajávrri (Naŋŋâjävri) meahccebiilageainnut, ja nuba maiddai beaivvi vánddardemiid dahkan lea vejolaš.

Čárbmoaivvi meahcci geasuha maiddái meahcásteaddjiid. Eanalottit leat viehka valjis, ja go vahágis sáhttá deaividit maiddái guovžža, de máŋggas bohte vánddardit jagis jahkái daid seamma johtolagaid.

Dán siiddu čujuhus lea lundui.fi/carbmoaivi.

Guovllu dikšu: Meahciráđđehus, Luonddubálvalusat (Luontopalvelut).

Gieđas telefovdna, mas oidno Retkikartta.fi. Raba Čárbmoaivvi meahcceguovllu kártta Retkikartta.fi:s (suomagillii).

Vánddardeapmi boazodoalloguovllus

""

Loga lasi vánddardeampi boazodoalloguovllus

Ovttasbargobeliid bálvalusat

Čárbmoaivvi meahcceguovllus bálvalusaid fállet ovttasbargobealit (suomagillii).