Johtolagaid vuolginsajit

Bállás-Ylläsduoddara álbmotmeahcis ja dan lagašbirrasis leat 500 kilomehtera geassemáđijat nu oanehaš beaivetuvrraide go guhkes vánddardemiide. Dálvái duottarlundui beasat sabehiiguin, vázzi, muohtagápmagiiguin ja govdajuvlasihkkeliin. Álbmotmeahcis ja dan birrasis leat badjel 500 kilomehtera fuolahuvvon láhtut ja badjel 100 kilomehtera dálvevánddardanmáđijat. Duottar-Lappi muotki lea iežas galbbaiguin merkejuvvon máđidjafierpmádat, mii láidesta johtti giliin duoddarii ja ruovttoluotta gillái.

 

 

Meahccesihkkelastin Bállás-Ylläsduoddara álbmotmeahcis

Bállás-Ylläsduoddara álbmotmeahcci lea okta sihkkelastiid jiellatbáikkiin. Buorit bálvalusat ja máŋggabealat máđijat dahket duottarčuozáhagas heivvolačča sihkkelastimii. Sihkkelastimii heivejit eandalii dan várás ordnejuvvon máđijat, mat leat eanaš Ylläsa guovllus. Stuorámus oassi geassemáđijain leat menddo hástaleaddjit álggahalli sihkkelastiide.

Meahccesihkkelastima gáibideaddjivuođakritearain gávdnojit Trailforksas (trailforks.com, eŋgelasgillii)

Meahccesihkkelasti duoddara alde čievrabálgás. Duogábealde suoldnái várit. Beaivi báitá vuollegásas. Ovddabealde čakčaivnniin lean šattolašvuohta.

Meahccesihkkelasti etikeahtta

  • Máđidja lea oktasaš ja luondu gullá buohkaide. Smáđáhkes meahccesihkkelasti váldá vuhtii eará johttiid.
  • Sihkkelasti lea johtilut ja garvá earáid.
  • Meahcis suodjegahpira geavaheapmi lea iešalddes čielga ášši.
  • Rivttes sihkkelastinvuohki ii golat eatnamiid. Garvve lohkkagoazasteami. Mii čuovvut álbmotmeahci njuolggadusaid ja ruskkahis vánddardeami prinsihpaid.
  • Sihkkelastin lea álbmotmeahcis lobálaš dušše virggálaš geassemáđijaiguin. Sihkkeliin ii oaččo spiehkkasit bálgáid alde.
  • Mii návddašit luonddus ja muitit min vástomet.

Printemii oaivvilduvvon meahccesihkkelastietikeahtta gávdno Suomen Latu neahttasiidduin (suomenlatu.fi, suomagillii).

Meahccesihkkelastinmáđijat Eanodagas

Eanodagas lea ođđa ja viiddis meahccesihkkelastinmáđidjafierpmádat. Máđijat eai leat merkejuvvon lundui, muhto kárttaid gávnnat Eanodaga giedaid siidduin (enontekiolapland.com, suomagillii). Bálgáid dássi molsašuddá álkes bálgás hástaleaddji bálgái.

Meahccesihkkelastinmáđijat Bállásis

Bállása guovllu máđijat leat hástaleaddjit sihkkelastimii allodatearuid dihtii ja hui geađgás eanavuođu dihtii, nuba dat heivejit lagamustá hárjánan sihkkelastiide. Álkit, muhto olu gakcumiid sisttisdoallan máđijat leat  Särkitunturi čievramáđidja sihke Vuontisjärvis Monteallastobu lusa dolvon máđija. 

Meahccesihkkelastinmáđijat Ylläsis

Ylläsis leat máŋggat sihkkelastimii vuogas ordnejuvvon máđijat. Ylläsa earenoamášvuohta lea bures bajásdollon 100 km:a dálvebálggesfierpmádat, mii lea plánejuvvon eandalii dálvesihkkelastiide.

Dálvevánddardanmáđijat Bállás-Ylläsduoddaris

Heahtás Jyppyrä lea bivnnuhis muohtagámačuozáhat ja dohko lea merkejuvvon máđidja.

Bállasduoddariid guovllus lea eanaš jalges duottar, gos biegga lea dahkan fáskasiid. Muohtagámavázzit, duottarčuoigit ja friddjačierasteaddjit ohcet iežaset máđija duoddarii. Raattama máđijain (raattamanreitit.fi, suomagillii) oačču johtit sabehiid lassin govdajuvllat sihkkeliin ja muohtagápmagiiguin.

Skábmaáigge čuovggas čeakŋut lean moddjájeaddji nieida ja vilges beana geahččaba kámerai. Nieiddas leat juolggis muohtagápmagat ja beatnagis čáhppes loabáhat.

Ylläsis dálvebálggesfierpmádat lea badjel 100 km guhkku. Dálvemáđijaide leat bures boahtán sihkkelastit, vázzit, muohtagámavázzit ja beatnagiin olgun johttit. Eará johttiid vuhtiiváldin lea iešalddes čielga ášši ja johtilut johttit garvet njoazit johttiid. Oahpásmuva Ylläs guovllu dálvemáđijaide (suomagillii) álbmotmeahci vánddardanfálus.

Dálvebálgáid lassin Ylläsis leat muohtagámavázziide oaivvilduvvon muohtagámamáđijat, maid merkemis ja dikšumis vástidit fitnodatdoallit ja báikkálaš eaktodáhtolaččat.

Láhtut

Bállás-Ylläsduoddara guovllus leat badjel 500 kilomehtera čuoiganmáđijat, main stuorámus oassi fuolahuvvo mašiinnain. Fuolahuvvon láhtuin sáhttá čuoigat sihke árbevirolaš ja luistenstiillain. Láhtuid fuolahit njeallje láhttopola. Kárttat sáhttá oastit guovllu turismafitnodagain ja luondduguovddážiin. Kárttain čoggon sisaboađuiguin ruhtadit láhtuid fuolaheami. Buot láhtuin leat maiddái elektrovnnalaš kárttat:

Luoddaearuin leat máđidjagalbbat. Láhtut leat merkejuvvon jalges duoddaris ja jekkiin ruossamearkkaiguin dahje plasttetsoppiiguin. Báikkuid meahccái láhtut leat merkejuvvon muoraide alit, rukses dahje oránša golbmačiegaiguin.

Álbmotmeahci máđijain beanagessosiin vuodjin ii leat lobálaš. Beanageasusin gehččojuvvo reahka, jorri dahje dávisteaddji, man gesset guokte dahje eanet beatnagat.

Duottar-Lappi muotki -máđijat

Guhtta ruškes máđidjagalbba beahcevuovddi vuostá. Galbbain lohket: "Tunturi-Lapin Taival, Pallas 18", "Mäntyrova 13", "Muonio 20", "Olos 12", "Jeris 8", "Särkijärvi 6"

Duottar-Lappi muotki lea máđija, mii lea merkejuvvon galbbaiguin ja mii doalvu johtti álbmotmeahci bokte gilis gillái. Máđidjafierpmádat fállá vejolašvuođa vánddardit beaiverehpuin ja idjadit vuohkkasit gilis. Váldde oktavuođa min ovttasbargofitnodatdoalliide ja soaba singuin biilla dahje dávviriid sirdima.