Darvvátvári bálvalusat

14.7.2021
Vuovde- ja gulubuollinváruhusa (ilmatieteenlaitos.fi, suomagillii) áigge dolastallan lea lobálaš dušše bohcciiguin, gokčojuvvon dolastallanbáikkiin sihke ávdinstopuid ja barttaid dollasajiin earenoamáš várrugasvuođain. Dola cahkkeheaddji vástida álo dolastallama dorvvolašvuođas. Válddathan vuhtii, ahte dolastallan dain sáhttá gildojuvvot báikegottiid guovdu.

Áššehasbálvalus ja oahpisteapmi

Boradeapmi, málesteapmi ja nisttiid háhkan

Gávppit, kioskkat, kafeat ja restauráŋŋat

Dolastallansajit ja stobut

  • Biebmoráhkadeapmi lihkostuvvá buoremusat ávdinstobuin. Stobuin lea álo kamiidna.
  • Davvi-Sámis, stáda eatnamiin, Meahciráđđehus suovvá dahkat dola rissiin ja ovssiin almma sierra lobiid haga. Ávžžuhit geavahit boares dolastallansajiid jus dakkáriid gávdná.
  • Meahccebuollinváruhusa áigge ii leat lohpi cahkkehit sajušdola.

Juhkančáhci

  • Čázi sáhttá dábálaččat juhkat, muhto geassebáhkkan ávžžuhit vuoššat čázi.

Bázahusfuolahus

  • Darvvátvári meahcceguovllu ávdinstobuin leat bázahuslihtit. Lea sávahahtti ahte guovllus vánddardeaddjit ieža buktet iežaset ruskkaid eret meahcis.
  • Ribahis vánddardeapmi

Hivssegat

  • Ávdinstobuin leat olgohivssegat.

Idjadeapmi

Dealttástallan

Ávdinstobut

Darvvátvári meahcceguovllus leat guokte ávdinstobu, main sáhttá idjadit ija dehe guokte.

  • Sálvvošjávrri ávdinstohpu lea lahka Norgga ráji Sálvvošduoddara oarjedavábealde ja Sálvvošjávrri nuortabeale gáttis, ja Heahttá-Gilbbesjávrri-mohtorgielkáluotta guoras.
  • Čietnjalisjávrri ávdinstohpu lea Čietnjalisjávrri oarjedavágáttis álgi Jiehtájoga lulábeale gáttis. Čietnjalisjávrris lea dohko sullii 2 km johkagierraga mielde.

Idjadeapmi lahkosiin

  • Turismafitnodagat láigohit barttaid Gárasavvona, Guhttása, Bálojohnjálmmi, Leaibejávrri, Bálojávrri ja Heahtá giliin.
  • Gohttenbáikkiid gávdná Gárasavvonis, Heahtás, Leaibejávrris ja Bálojávrris.
  • Heahtás ja Gárasavvonis leat hoteallat.
  • Dakkár orrunvovdnabáikkiid, main sáhttá váldit vovdnii elrávnnji, gávdná Heahtá, Leaibejávrri, Bálojávrri ja Bálojohnjálmmi giliin.
  • Lassidieđuid oažžu Eanodaga turismasiidduin (tosilappi.fi, suomagillii).

Biergasiid láigoheapmi

Lápmásiid bálvalusat

  • Darvvátvári meahcceguovllus eai leat bálvalusat lámisolbmuide.
  • Duottar-Sámi luondduguovddáža čájáhuslanjain sáhttá johtit juvlastuoluin. Luondduguovddážis lea inva-hivsset

Eará bálvalusat lahkosiin

  • Lagamus báŋkkut, báŋkoautomáhtta, boasta ja apotehka leat Eanodaga girkogilis Heahtás, gosa lea Darvvátvári meahcceguovllu lulágeahčen sullii 20 km.
  • Dearvvašvuođaguovddáš lea sihke Heahtá ja Gárasavvona giliin.
  • Boaldámuša biilii sáhttá oastit Bálojávrri, Heahtá ja Gárasavvona giliin. Heahtás ja Gárasavvonis lea bensinstašuvdna.
  • Oaggunlobiid vuvdet Duottar-Sámi luondduguovddáža lassin maid guovllu fitnodagain.
  • Máŋggabealat dieđut Lappis ja guovllu turismabálvalusain gávdnojit Lappi turismaportálas (lappi.fi, suomagillii).