Heahttá – Bállás -johtolaga johtolatčilgehus

3.3.2021
Koronavirusa geažil luonddusge lea ágga atnit dorvogaskkaid ja čuovvut earenoamáš giehtahygieniija ee. stobuin, dolastallanbáikkiin ja hivssegis fitnamiid maŋŋá. Meahciráđđehusa linnjemat ja rávvagat beaiváduvvojit, go almmolaš koronarávvagat šaddet dárkileabbon.
Geahča lassidieđuid ja čuovo min rávvagiid.

Reaissu vuolginbáikkit

Heahttá - Bállás-johtolaga sáhttá johtit liikká bures davil luksa dego maid nuppe gežiid.

  • Deháleamos vuolgin- ja mearregeažit leat Heahtá girkogilli Eanodagas ja Bállásduoddara luondduguovddáš.
    • Heahtá girkogili lulábealde Ovnnesjávrri šaddá rasttildit fanasfievrridemiin (tosilappi.fi, suomagillii). Bállásis boađidettiin galgá Ovnnesjávrri gáttis loktet mearkaleavgga bajás, vai jávrri rasttildeapmi lihkostuvvá.
  • Dasa lassin johtolahkii lea oktavuohtajohtolat Ketomellas ja hotealla Vuontispirttis.
    • Ketomellas, boares feargabáikkis vuolgi johtolat ovttastuvvá Heahttá - Bállás -johtolahkii Tappuri ávdinstobus s. 1 km oarjjás. Geaidnohálddahusa fuolahan bálgá dihkkán lea ruoná stoalpu, mas lea vilges ruossagalba, man guovddáš fas lea ruoksat. Mátki Ketomellas Heahttá - Bállás-johtolahkii lea s. 9 km.
    • Vuontispirtti johtolat ovttastuvvá Heahttá - Bállás-johtolahkii Montella ávdinstobus, s. 5 km:a geahčen vuolginbáikkis. Oktavuohtajohtolat manná priváhtaluotta mielde álbmotmeahci ráji nala, mas dát vilges ruossagalbbaiguin merkejuvvon johtolat joatkahuvvá bajás duoddarii. Lahka ordda johtolaga merken nuppástuvvá vuollegis oránsaoaivvát stoalpun.

Johtolatgaskkat

Heahttá - Bállás ii leat riekkesjohtolat. Dat sáhttá juhkkojuvvot gaskkaide vuoiŋŋastanbáikkiid sajádaga vuođul:

  • Heahttá - Bassičearru 6,7 km
  • Bassičearru - Sioskuru 8 km
  • Sioskuru - Pahakuru 12,1 km
  • Pahakuru - Hánnogurra 1,5 km
  • Hánnogurra - Montella 12,5 km
  • Montella - Nammalgurra 1,2 km
  • Nammalgurra - Bállás 13 km
  • Dárkilis čilgehus geassejohtolagas
  • Dálvejohtolat sierrana geassejohtolagas

Johtolatmerken

Johtolat lea merkejuvvon muoras ráhkaduvvon njuollagalbbaiguin.

Oktavuođat eará johtolagaide

Vánddardanjohtolagat