Finnmárkkubálgá bálvalusat

Juhkančáhci

• Guovllu ládduid, ádjagiid ja jogaid čáhci jugaha dábálaččat, muhto čázádagaid čáhci ii leat dutkojuvvon. Nuba juhkančázi gánnáha vuoššat.
• Soabbatjávrris lea gáivo, man čáhcekvalitehta čuvvojuvvo.

Bázahusfuolahus

• Finnmárkkubálgá mielde jođedettiin šaddá ieš fuolahit bázahusain. Buhtes kartoŋgga ja báhpára sáhttá álo boaldit dollasajis. Eanaiduvvi bázahusaid sáhttá guođđit hivssegii. Eará bázahusaid vánddardeaddji šaddá ieš buktit eret meahcis.
• Soabbatjávrris lea bázahusbáiki. Kiilopääs ja Laanilas leat bázahusaid sirrenbáikkit, maid gielddat bajásdollet.
• Loga lasi ludnekeahtes vánddardeamis.

Boaldinmuorrafuolahus

• Finnmárkkubálgá mielde jođedettiin oažžu dolastallat dušše fuolahuvvon dolastallanbáikkiin. Doppe lea gárvves boaldinmuorra. Leat mehterguhkkosaš hálggut, maid saháma ja luodduma várás muorravisttis gávdno álo sahá ja ákšu.
• Dolastallanbáikkit leat Soabbatjávrri gáttis ja Kaptukaislampiin. Sivakkaojas sihke Kopsusjávrri geainnu guoras sullii 500 m Finnmárkkubálgás oarjjás leat lávut, main sáhttá dolastallat.

Fuolahusas vástideaddjit

• Johtolaga bázahus- ja boaldinmuorrafuolahusas vástida Meahciráđđehus, Lapin luondobálvalusat. Fuolahussii guoskevaš máhcahagaid sáhttá čujuhit Urho Kekkonena álbmotmeahci áššehasbálvalusas.

Hivssegat

• Soabbatjávrris lea goikehivsset
• Kaptukaislampi lávu luhtte lea goikehivsset
• Kopsusjávrrigeainnu lávu luhtte lea goikehivsset
• Sivakkaoja lávu luhtte lea goikehivsset

Idjadeapmi

Tealttástallan ja lávut

Gohttet ja tealttástallat oažžu Finnmárkkubálgá mielde jođedettiin dušše dasa várrejuvvon báikkiin:

• Soabbatjávrris lea vejolaš tealttástallat, ja doppe leat lávvu ja goahti. Soabbatjávrris oažžu idjadit ovtta manu guhkimustá golbma jándora.
• Kaptukaislampis lea lávvu, ja dakko lea vejolaš tealttástallat
• Kopsusjávrrigeainnu guoras lea lávvu, ja dakko lea vejolaš tealttástallat
• Sivakkaojas lea lávvu, ja dakko lea vejolaš tealttástallat

Eará bálvalusat

• Biilla sirdinbálvalusaid ja vánddardanbiergasiid láigoheami sáhttá gulaskuddat guovllu turismafitnodagain (inarisaariselka.fi, suomagillii).
• Laanilas ja Kiilopääs gávdnojit láigostobut, hoteallat, restoráŋŋat, kafeat ja eará bálvalusat. Lassedieđut gávdnojit Suoločielggi (inarisaariselka.fi, suomagillii) neahttasiidduin.