Finnmárkkubálgá kárttat ja johtinoktavuođat

15.9.2020
Koronavirusa geažil luonddusge lea ágga atnit dorvogaskkaid ja čuovvut earenoamáš giehtahygieniija ee. stobuin, dolastallanbáikkiin ja hivssegis fitnamiid maŋŋá. Meahciráđđehusa linnjemat ja rávvagat beaiváduvvojit, go almmolaš koronarávvagat šaddet dárkileabbon.
Geahča lassidieđuid ja čuovo min rávvagiid.

Johtinoktavuođat

Biillain

  • Vuohču gilis, váldogeainnus nr 4 (E75) nuorttas manni Soabbatjávrri geainnu mielde beassá Finnmárkkubálgá vuolginsadjái Soabbatjávrri gáddái. Váldogeainnu nr 4 luoddaearus lea oahpistangalba, mas lohká "Sompiojärventie". Soabbada luonddumeahci lulágeaži manni Soabbatjávrri meahccebiilageainnu mielde sáhttá geasiáigge vuodjit. Álgogeasis geainnu ortnega gánnáha álo gulaskuddat Urho Kekkonena álbmotmeahci bálvalanbáiki Kiehinenis. Geaidnu ii bajásdollo dálvviáigge.
  • Vánddardeami sáhttá álggahit maiddái johtolaga davágeahčen Laanilas. Laanila lea Suoločielggi turismaguovllus. Dat lea sullii 40 km Vuohčus davás ja sullii 30 km Avvilis lulás. Laanilai beassá sihke Vuohčus ja Avvilis váldogeainnu nr 4 (E75) mielde. Laanilas beassá Finnmárkkubálgái Suoločielggi guovllu geassejohtolagaid vuolginsajis.
  • Maiddái Kiilopää geainnus beassá Finnmárkkubálgái. Kiilopää geainnu ala jorggihuvvo Kakslauttanenis. Kakslauttanen lea sullii 30 km Vuohčus davás ja sullii 40 km Avvilis lulás. Kakslauttanenis galgá vuodjit Kiilopää guvlui sullii 4 km, goas beassá Finnmárkkubálgái. Kiilopää geainnu guoras leat sihke oahpistangalbbat Finnmárkkubálgái ja parkerensadji.
  • Kakslauttanenis ja Kiilopääs lea maiddái johtolatoktavuohta Finnmárkkubálgái Suoločielggi guovllu merkejuvvon bálgáid mielde.

Almmolaš fievrruiguin

  • Roavvenjárggas johtet Avvilii váldogeainnu nr 4 (E 75) mielde moanat beaivválaš linnjábiilaruvttot (matkahuolto.fi, suomagillii): Roavvenjárga - Soađegilli - Vuohčču - Tankavaara - Kakslauttanen - Suoločielgi - Avvil. Linnjábiillas sáhttá báhcit eret Vuohču gilis, Tankavaaras, Kiilopääs dahje Laanilas, main beassá Finnmárkkubálgái.
  • Linnjábiillat leat joatkkaoktavuođat Roavvenjárgii boahtti togain (vr.fi, suomagillii) ja girdiin (finavia.fi, suomagillii).
  • Avvilii boahtti girdiin lea linnjábiilaoktavuohta Suoločielgái ja Kiilopääi, gos lea vel Vuhččui sullii 40 km.

Kárttat

Elektrovnnalaš kárttat

Eará kárttat

  • Urho Kekkonen olgolihkadankárta 1:100 000, Karttakeskus 2016. Kártta sáhttá oastit ee. Suoločielggi bálvalanbáiki Kiehinenis, Karttakeskusis ja girjegávppiin, main lea buorre válljenmunni.
  • Suoločielgi - Sokosti olgolihkadankárta 1:50 000, Karttakeskus 2017. Kártta sáhttá oastit ee. Suoločielggi bálvalanbáiki Kiehinenis, Karttakeskusis ja girjegávppiin, main lea buorre válljenmunni.
  • Urho Kekkonen olgolihkadankárta 1:50 000, Calazo 2016. Kártta sáhttá oastit ee. Calazos ja girjegávppiin, main lea buorre válljenmunni.
  • Náttašduottar eanadatkárta 1:50 000, nummir V512. Kártta sáhttá oastit ee. Suoločielggi bálvalanbáiki Kiehinenis, Karttakeskusis ja girjegávppiin, main lea válljenmunni.
  • GT-tuvrakárta, 1:400 000. Kárttaid sáhttá oastit ee. Suoločielggi bálvalanbáiki Kiehinenis, karttakeskusis ja girjegávppiin, main lea buorre válljenmunni.

Kárttaid vuovdinbáikkit

Gieđas telefovdna, mas oidno Retkikartta.fi. Raba Finnmárkku bálgá kártta Retkikartta.fi:s (suomagillii).