Kalohttageinnodaga gáibideaddjevuohta

2.7.2021
Giđđadulvi doalvvui Vuopmegašjoga šaldi Kalohttageinnodagas ja ođđa huksejuvvo easkka 2022. Vuopmegašjoga rastá ferte dál gállit.

Nieida allin čáhppes muorahis duoddara ceakkus ravddas. Duogážis čiekŋalis vággi ja duoddarat main leat ceakkus ravddat ja maid gurain lea unnán muohta.

 

Kalohttageinnodat lea vánddardangeinnodat, mii gáibida olu, iige dat heive álggahalliide. Buot ráhkadusat eai leat vel huksejuvvon ja stobuid gaskkat leat báikkuid oalle guhkit. Iežas dealttá gánnáha váldit mielde. Oba geinnodagas leat sulaid 40 stobu ja beaivemátkkit leat 10 - 50 km guhkit.

Fáhkkes dálkemolsašuddamiidda ferte ráhkkanit ovddalgihtii, iige duottarmáilbmái gánnát goassege vuolgit akto.

Geinnodagas leat báikkuid rámšojuovahagat. Suoma bealde stuorimus jogaid, ee. Bierfejoga ja Vuopmegašjoga, rastá leat huksejuvvon šalddit, muhto unnit jogaid ja jogažiid šadda rasttildit gáli.

Gilbbesjávri - Háldi - Gilbbesjávri -gaskii gánnáha várret vahku áiggi. Ábeskovvui dehe Guovdageidnui vánddardeaddji gánnáha várret vel guhkit áiggi ja dát geinnodatgaskkat ávžžuhuvvojitge dušše hárjánan vánddardeddjiide. Eandalit Norgga bealde, gos geinnodat lea merkejuvvon geađgemearkkaide molemiin, geinnodagas bissun sáhttá gaskkohagaid dagahit váttisvuođaid.