Várrenstohpu lea vácci dahje čuoigga sullii 30 km geažes Gilbbesjávrris. Lagamuš eará várrenstohput leat Guonjarjohka ja Bihčosjávri. Stohpu lea čáppa sajis Megonjávrri máttagáttis. Stohpu heive Kalohttajohtolaga vánddardeddjiide ja čuoigiide. Stobu lahkosis sáhttá tealttástallat. Stobu lahka lea Čáivárri, várri mii lea Giehtaruohttasa meahcceguovllu dovddaldagas, ja dan čohkka lea sullii 830 mehtera allodagas.
Várrenstohpu, 8 olbmo
Várrehusat ja haddi
Dorvvolašvuođa muitinlistu stobuid várrejeaddjiide.
Stobuid sáhttá várret njuolga Eräluvat.fi -neahttagávppis (eraluvat.fi). Loga stobuid várreneavttuid.
16,50 € /idja/olmmoš (sis. 10% alv).
Čoavdagat leat stobu seaidnái giddejuvvon čoavddaskáhpus, man sáhttá leahkkut kodain. Rávvagat ja koda sáddejuvvo várrejumi oktavuođas.
Sajádat, gárttat ja oppalaš govvádus
Davvi-Lappi, Eanodaga gielda, Giehtaruohttasa meahcceguovlu
Stobu koordináhtat: Euref-Fin (~ WGS84) lat: 69° 09.7203' lon: 21° 20.5475' ETRS-TM35FIN; P: 7682788 I: 275669.
Várrenstohpu lea oaivvilduvvon sidjiide, geat johtet vácci, čuoigga dahje eará láhkai almmá fievrruid haga ieža. Stobu ožžot geavahit 1–2 jándora olbmot, geat leat várren oađđinsaji. Várrenstobuid geavaheapmi mátkeealáhusa fitnodatdoaimmain lea lobálaš dušše Meahciráđđehusa lobiin.
Stohpu lea Kalohttageinnodaga guoras. Megonjávrri lulligáttis, Megonjávrri ávdinstobus sulaid 500 m oarjjásdavás.
Ávdinstohpu lea s. 500 m oarjjásdavás, Bierfejoga nuppe bealde. Kalohttajohtolaga mielde joga rasttildeaddji šalddi mielde ávdinstobu lusa lea 1,4 km.
Kalohttageinnodaga gárta
Retkikartta.fi
Biergasat
Šiljus leat golbma lohkkaduvvon stobu, main láigostohpu lea davimus. Stobu šiljus leat goikehivsset, muorravisti ja luondduturismafitnodatdoalliid stohpu.
Kamiidna ja gássaomman. Vealtameahttun vuoššanlihtit (gievdni, báiste, gáffebánno). Geardeseaŋggat, main guottat, bolstarat ja filttet.
Jávrri lusa lea mátki s. 50 m.
Fuomášahttimat
Stohpui ii oaččo buktit biebmoelliid.
Bázahusfuolahus
Stobus leat ruskalihtit, muhto vánddardeaddjit ávžžuhuvvojit buktit iežaset bázahusaid eret meahcis. Loga lasi ribahis vánddardeamis.
Fuolahusa ovddasvástádus
Meahciráđđehus, Luonddubálvalusat. Lassidieđut Duottar-Sámi luondduguovddáš, tel. 0206 39 7950.
