Rávvagat Buljju guovllus johtaleapmái

Dola cahkkeheapmi

  • Meahcceguvlui sáhttá dahkat dola almma sierra lobi haga, muhto boaldinmuorran galgá geavahit dušše eatnamii gahččan rissiid ja ovssiid. Doppe gos lea unnán muorra, ii ávžžuhuvvo dolastit. Muoraid njeaidin lea áibbas gildojuvvon. Geavat boares dolastallansajiid jus dakkáriid gávnnat.
  • Eanabuollinváruhusa áigge ii oažžo dolastit.

Ovddalgihtii ráhkkaneapmi

Mátketelefovnnaid gullon

  • Vaikko Suoma mátkekommunikašuvdnafierpmit leat gokčevaččat, de Bulju meahcceguovllus sáhttet leat itkoguovllut eandalii duoddariid gaskasaš gurain. Dárkkis mátkekommunikašuvdnafierpmi gokčevašvuođa iežat telefunoperáhtoris. Dasa lassin leat báikkit, gos mátketelefuvdna ii doaimma dehe telefuvnnain leat hehttehusat. Dalle gánnáha omd. mannat allelažžii, jalges sadjái ja/dahje váldit telefovnna SIM-goartta eret heahteriŋgema boddii. Gánnáha maid váldit vuhtii, ahte sierralágán mátketelefuvnnaid gaskkas leat gullonerohusat.

Biergasat

  • Go vánddardat Buljju meahcceguovllus, de dus berre leat mielde aŋkke gárta, kompássa ja áššálaš vánddardanbiergasat mátkki guhkkodaga mielde. Muitte, ahte duottarguovllus dálki sáhttá rievdat fáhkkestaga ja geassetnai sáhttá muohttit.
  • Meahcceguovllus vánddardeapmi lea gáibideaddjit go doppe gos leat merkejuvvon johtolagat, nu ahte vánddardettiin doppe dárbbaša buori orienterenmáhtu ja vánddardanhárjáneami.
  • Berret muitalit iežat birra, áigedávvalisttat ja reaisoplánastat ovdamearkka dihte Duottar-Sámi luondduguovddázii. Muitte almmuhit maid, goas leat jurddašan ollet mearrebáikái, vai eai vuolgge duššiid dihte ohcat du. Gádjunbálvalus bearrá mávssu dušši ohcamiin.
  • Dieđut melodeami dorvvolašvuođas ja dárbbašlaš biergasiin: Turvallista melontaa (melontajasoutuliitto.fi, suomagillii).

Dorvvolašvuohta

  • Jus dus reaissustat boahtá heahti, ovdamearkan láhppot, lápmašuvat dahje áiccat meahccebuollima, riŋge nummirii 112 ja daga heahtedillialmmuhusa.
  • Váldde mielde vuosttašveahkki dárbašiid.

Vánddardeapmi boazodoalloguovllus

""

Loga lasi vánddardeampi boazodoalloguovllus

112 Suomi -mobiilaaplikašuvdna

Go heahtetelefovdnii riŋgejuvvo 112 Suomi -aplikašuvnna (112.fi, suomagillii) bokte, de heahteguovddášgohcci oažžu automáhtalaččat dieđu riŋgejeaddji sajádagas.

Lappis leat ollu báikkit gos telefon ii gullo, ja dihto telefonmállet eai doaimma buollašis. Nuba máđidjaplána oktan áigetávvaliin lea buorre almmuhit soapmásii. Gánneha doallat telefovnna liekkasin sihke biepmu ja juhkamuša fárus. Vai mátketelefovnnas ii nogaše rávdnji, váldde mielde ovdamearkan liikerávdnjerusttega, várrebáhttera dahje boares telefovnna, mas lea buorre báhtter.

Vánddardanetikeahtta

1. Gudnejahte luonddu.

2. Vállje merkejuvvon máđijaid.

3. Váldde čielgasa leago gohtten lobálaš du válljen čuozáhagas.

4. Geavat dušše merkejuvvon dolastallansajiid.

5. Ruskkahis vánddardeapmi.

Loga lasi