Gálddoaivvi johtinoktavuodat ja kárttat

15.9.2020
Koronavirusa geažil luonddusge lea ágga atnit dorvogaskkaid ja čuovvut earenoamáš giehtahygieniija ee. stobuin, dolastallanbáikkiin ja hivssegis fitnamiid maŋŋá. Meahciráđđehusa linnjemat ja rávvagat beaiváduvvojit, go almmolaš koronarávvagat šaddet dárkileabbon.
Geahča lassidieđuid ja čuovo min rávvagiid.

Gálddoaivvi meahcceguovlu gullá davimus Sámi letnii ja lea seammás Suoma davimus geahči. Meahcceguovlu lea váldogeaidnu nr 4:a (E75) nuorttabealde ja Čeavetjávrri geainnu (nr 971) davábealde, rádjin nuortan lea Norgga riikkarádji.

Johtinoktavuođat

Biillain

  • Guovllu máttabeallai beassá Čeavetjávri-Njávdán-geainnu mielde (nr 971).
  • Guovllu oarjjabeallai beassá váldogeaidnu 4:is.
  • Guovllu davábeallai beassá, go vuodjá váldogeaidnu 4:a mielde Ohcejohkii ja das ain Njuorggámii (nr 970) dahje Buolbmátjávrái.

Almmolaš fievrruiguin

  • Roavvenjárggas lea beaivválaččat linnjábiilaoktavuohta (matkahuolto.fi, suomagillii) Anárii.
  • Lagamus girdišillju (finavia.fi, suomagillii) lea Avvilis.
  • Guovllu máttabeallai Čeavetjávrri gillái ja Njávdámii lea linnjábiilaoktavuohta (matkahuolto.fi, suomagillii) Anáris (dábálaš ruvtto Avvil-Njávdán) ja Ohcejogas (johtilis ruvttot Čáhcesuolu/Deatnu-Roavvenjárga, dábálaš ruvtto Njuorggán-Avvil), goas šaddá Gápmasis molsut Anáris boahtti linnjabiilii. Čeavetjávrri ja Njávdáma gilliin lea sullii 5 km ieš meahcceguvlui.
  • Guovllu davveoarjja- ja davábeallai Ohcejohkii ja Njuorgámii lea linnjábiilaoktavuohta (matkahuolto.fi, suomagillii) Anáris (dábálaš ruvttot Roavvenjárga-Njuorggán/Deatnu, Avvil-Njuorggán). Ohcejogas lea sullii 5 km ja Njuorgámis sullii 7 km meahcceguvlui.
  • Guovllu oarjjabeallai beassá ovdalis máinnašuvvon oktavuođaiguin, go báhcá eret váldogeaidnu 4:a guoras. Meahcceguovllu ráji ala lea dalle 2-10 kilomehtera.

Meahccereaissu vuolginsajit

  • Parkerensajit guovllu máttabealde leat Nuortalaččaid árbevierroviesu šiljus (oahpistantávval) ja Njoammelgeavgŋás (oahpistantávval). Njávdáma gilis ii leat virggálaš parkerensadji, muhto oahpistantávval gal lea. Guovllu davábealde biilla sáhttá parkeret Buolbmátjávrri máttageahčai (oahpistantávval).
  • Johtolalagaid vuolginsajit

Kárttat

Elektrovnnalaš kárttat

Eará kárttat

  • Čeavetjávri-Nuorggán olgolihkadankárta, 1:100 000, Karttakeskus 2014. Kárttaid sáhttá oastit earret eará Nuortalaččaid árbevierrodálus, Davvi-Sámi luondduguovddážiš Siiddas, Avvila bálvalanbáikkis, Karttakeskusis ja girjegávppiin, main lea buorre válljenmunni.  
  • Gálddoaivi Čeavetjávri Nuorggán čáhcejeahkki kárta, 1:25 000 ja 1:100 000, Calazo 2017. Kártta sáhttá oastit earret eará Davvi-Sámi luondduguovddážis Siiddas ja Avvila bálvalanbáikkis.
  • Eanadatkárttat nummirat W521, W522, W524, X511, X512, X513 ja X514, 1:50 000, 2008-2009 Eanamihtidanlágádus. Kárttaid sáhttá oastit Davvi-Sámi luondduguovddážiš Siiddas, Avvila bálvalanbáikkis ja Eanamihtidanlágádusas.
  • Davvi-Suopma GT tuvrakárta, 1:400 000. Kárttaid sáhttá oastit ovdamearkka dihte Karttakeskusis ja girjegávppiin, main lea buorre válljenmunni.

Kárttaid vuovdinbáikkit

 

Gieđas telefovdna, mas oidno Retkikartta.fi. Raba Gálddoaivvi meahcceguovllu kártta Retkikartta.fi:s (suomagillii).

Parkerenbáikkit

  • Sevettijärventie nr 971, Nuortalaččaid árbevierrodállu, Čeavetjávri (Anár)
  • Sevettijärventie nr 971, Jänisjärvi
  • Sevettijärventie nr 971, Njávdán
  • Pulmankijärventie, Buolbmátjávri (Ohcejohka)