Meahcis vánddardeapmi

Giehtaruohttasa duottarbadjeeatnamat heivejit albma vánddardeddjiide. Meahcceguovllu bokte manná davviriikkalaš Kalohttageinnodat, man ollislaš guhkkodat lea 800 km. Geinnodagas manná sullii 80 km Suoma Giehtaruohttasis.

Meahcis čuoigan

Meahcceguovllus eai leat merkejuvvon lahtut, muhto mohtorgielkámáđii ja ng. Háldi rissedihkkadeami sáhttá čuovvut. Giđđat cukŋon čuoigga goastta vaikke gosa. Dálvet luonddu gáibideaddjivuohta sáhttá boahtit vuorddekeahttá čuoigái. Meahccái fielladeaddji álggahalli gánneha hárjehallat Gilbbesjávrri birrasis. Doppe sáhtát čuoigat Sáná (12 km) dahje Čoalmmivári birra (10 km) dahje Golmma váldegotti rádjegeađggi lusa (22 km). Loga lasi Giehtaruohttasa johtolagain.

Joavku čuoiganvánddardeaddjit gerresiinnis jalges duottareanadagas.

Guolásteapmi

Giehtaruohttasis leat earenoamáš čuozáhagat dolgevuokkain ja dábálaš vuokkain oagguide sihke rudneguolásteddjiide. Sáhtát goddit dápmoha, rávddu, hárri, čuovžža, vuskkona ja hávgga. Guovllus sáhttá oaggut ja rudneoaggut juohkehačča vuoigatvuođain, masa ii dárbbašuvvo lohpi. Rávdnječáziin oaggun ii leat lobálaš geasset iige dálvet.

Guolástanlobiid vuvdet Eräluvat-neahttagávppi (verkkokauppa.eraluvat.fi, suomagillii) ja Meahciráđđehusa áššehasbálvalančuoggá lassin maid báikkálaš fitnodatdoallit. 

Eará aktivitehtat

  • Geočiegat: Čiegat gávdnojit juo miehtá máilmmi, maiddái Giehtaruohttasis. Loga lasi geočiegain (geocache.fi, suomagillii).
  • Šaddobuđaldeapmi: Davimus Sámi duoddarat leat šaddoberošteaddji mekka. Beroštupmi doalvu fargga tuvrraide maiddái ránnjáriikka duoddariidda.
  • Lottiin dárkun: Bávttis bessejeaddji boaimmáža huikkas cieggá sillui agibeaivái.
  • Luonddubálgát: Mátkkis Gilbbesjávrái sáhttá bisánit Iittu gilis ja vuoiŋŋastit balsajeakki luonddubálgás (130 m). Sáná luonddubálggis (5 km) oahpásmuhttá duottarlundui ja Lappi soađi historjái. Loga lasi Giehtaruohttasa johtolagain.
  • Luondduguovddáš: Gilbbesjávrri luondduguovddáža čájáhus Skánddaid ravddas muitala mas stuorra duoddarat leat dahkon. Luondduguovddážis oaččut varraseamos dieđuid luonddu dilis ja bálvalusain muđui.
  • Meahccesihkkelastin: Merkejuvvon meahccesihkkelastingeinnodagat eai leat, muhto iešheanálaš aktiivvat leat juo gávdnan báikkálaččaid geavahan johtin máđiid.
  • Murjen ja guobbariid čoaggin: Ii gávdno fiidnát muorjeeana go Sáná vielti sarrihiiguin dahje duoddariid badjeeatnamiid luomejeakkit. Guobbariid it soaitte háhppehit čoaggit ovdal bohccuid, muhto sáhtát geahččalit!
  • Meallun: Giehtaruohttasa meahcceeatnama dovdosamos meallunjohtolat lea earenomáš gáibideaddji Poroeno – Lätäseno (100 km).
  • Meahcásteapmi: Giehtaruohtas lea meahcásteaddjái rievssatbivdoguovlu (eraluvat.fi, suomagillii). Sállaša váilunge ii billis meahccetuvrra duoddaris.
  • Mohtorgielkkáin johtin: Mohtorgielká máđii Heahtás Gilbbesjávrái ja riikka rádjejoga čuvodeaddji Victoria-johtolat, mas davige mohtorgielkkáin vuojašeaddjit liikojit. Loga lasi máđiilobiin (eraluvat.fi, suomagillii).
  • Oaidnámušat ja várdánbáikkit: Boahtin Gilbbesjávrái ligge váimmu. Gáttis ceaggana ceakkobávttát Sáná, man alde rahpasa okta Suoma rámšaseamos, muhto čáppa oainnus.
  • Oahpistuvvon tuvrrat ja safarat: Giehtaruohttasa meahcceeatnama soaitá váttis juksat ieš. Guovllu fitnodatdoallit sáhttet veahkehit ja nu tuvra šaddá buorrin muitun.
  • Váccašeapmi: Ii dárbbaš leat hárjánan vánddardeaddji ráhkásnuvvandihti Gilbbesjávrri duoddariidda. Gilbbesjávrri gili lahkosis leat máŋggat beaivetuvrabáikkit fiinna duottarduovdagiin. Loga lasi Giehtaruohttasa johtolagain.
  • Vuojadeapmi: Mihcamáraid áigge vulget jieŋat duottarjávrriin, doppe go vuojada, dan ii vajálduhte. Guovllus ii leat almmolaš vuojadangáddi.
  • Eaktodáhtolašdoaibma: Buot fiinna luonddučuozáhagat gáibidit gieđaid veahkkin vai dat bissot ordnegis. Dárbbašit maid govvideaddjit ja bloggačálliin muitalit luonddu dáhpáhusain.
  • Kilpisjärven tiedepolut applikašuvdna. Loga lasi (helsinki.fi, eaŋgalasgillii).

Ovttasbargoguimmiid bálvalusat

Giehtaruohttasa meahcceguovllus doibmet máŋggat Meahciráđđehusa ovttasbargofitnodatdoallit, geat ordnejit oahpistuvvon vánddardemiid, safáriid ja fievrridemiid guollečázádagaide.

Tuvraevttohusat

Dálvvi tuvraevttohusat

  • ½ beaivvi: Čuoigantuvra Čoalmmivári birra (8 km)
  • 1 beaivi: Čuoigantuvra Tuvraguovddážis Golmma váldegotti rádjegeađggi lusa ja ruovttoluotta (20 km)
  • 2 beaivvi: Čuoigantuvra Gilbbesjávrri luondduguovddážis Suolojávrri ávdinstohpui ja ruovttoluotta (24 km)