Galledala Pyhä-Luosto luondduguovddáš Naava

Johtinoktavuođat ja kárttat

Biillain

• 4-geainnus Roavvenjárgga – Soađegili gaskkas Torvinen gili bokte earrána geaidnu 962 Luostoi ja ain viidásut Baseduoddarii (s. 38 km).
• 5-geainnus Giemajávri – Pelkosenniemi gaskkas Vuostimo gili boktá earrána geaidnu 962 guvlui Baseduoddarii (s. 14 km).
• Geaidnoguorain leat buorit oahpistangalbbat Pyhä-Luosto turismaguvlui sihke oahpistangalbbat Pyhä ja Luosto. Pyhäduoddára lahkonettiin geaidnoguorain leat oahpistangálbbat luondduguovddáš Naavai
• Biilla sáhttá guođđit luondduguovddáža parkerenbáikái dahje almmolaš bisánanbáikái luondduguovddáža guoras.
• Luondduguovddáš lea hui lahka Pyhä čierastanguovddáža.

Almmolaš johtinfievrruiguin

Pyhä-Luosto luondduguovddáš Naava ja Pyhä-Luosto álbmotmeahcci leat fáhtemis bures maid almmolaš johtinfievrruiguin.

• Togain (vr.fi, suomagillii) máddin Roavvenjárggas ja gitta Giemajávrái, gos joatkkaoktavuođain Pyhä-Luosto turismaguvlui.
• Girdiin Roavvenjárgga girdingieddái (finavia.fi, suomagillii), gos joatkkaoktavuođat Pyhä-Luosto turismaguvlui.

Joatkkaoktavuođat Roavvenjárggas ja Giemajávrris

• Roavvenjárggas Luostoi ja Pyhäduoddarii manná Skibus (pyha.fi, suomagillii). Skibus váldá mátkkošteddjiid Roavvenjárgga linnjábiilastašuvnnas, togastašuvnnas ja girdingiettis. Skibussiin beassá álkit maid ruovttumátkái. Busse bisána Luostos Hotelli Luostotunturi ja Santa's Hotel Aurora ovdauvssaid ovddas. Pyhäduoddara bisánanbáikkit leat Hotelli Pyhätunturi šiljus, Restoráŋŋa HuttuHippu ovddas sihke Pyhä gávpebáikki šiljus. Dárbbu mielde busse bisána Pyhä-Luosto geaidnoguoras linjabiilabissehagain. Lassidieđut ja áigetávvalat (matkahuolto.fi, suomagillii).
• Giemajávrri togastašuvnnas lea joatkkaoktavuohta iđittogii Pyhäduoddarii. Pyhäduoddaris beassá báikkálašjohtolaga bussiin (pyha.fi, suomagillii) maid eahkettogii. Lassidieđut ja áigetávvalat (matkahuolto.fi, suomagillii).
• Báikkálašjohtolaga busset bisánit Hotelli Pyhätunturi šiljus ja Pyhä gávpebáikki ovddas.