Dahkamuš ja oaidninveara Pyhä-Luosto luondduguovddáš Naavas

15.9.2020
Koronavirusa geažil luonddusge lea ágga atnit dorvogaskkaid ja čuovvut earenoamáš giehtahygieniija ee. stobuin, dolastallanbáikkiin ja hivssegis fitnamiid maŋŋá. Meahciráđđehusa linnjemat ja rávvagat beaiváduvvojit, go almmolaš koronarávvagat šaddet dárkileabbon.
Geahča lassidieđuid ja čuovo min rávvagiid.

Luonddučájáhus

Naava čájáhus muitala vásáhusaid bokte Pyhä-Luosto duottarguovllu riegádanhistorjá ja ovdanbuktá guovllu geologiija, luonddu ja kulturhistorjá áiccuid morihemiin. Čájáhusa temáide sáhttá maid buokčalit oahpisteaddji bokte. Oahpisteami berre várret ovddalgihtii ja das galgá máksit.

Joavkooahpisteamit

  • Oahpistuvvon birravázzin Pyhä-Luosto luondduguovddáš Naava luonddučájáhusas
    • Heive buot ahkásaččaide.
    • Bistá 1 h, man lohppii AV-čájáhus guovllu luonddus (15 min.)
    • Haddi 50 € / joavku dahje 1,50 € /olmmoš (skuvlajoavkkut).
    • Hattit sisdollui 24% álv.

Filmmat auditorias

Luondduguovddáža auditorias čájehuvvojit beaivválaččat AV-čájáhusat dii 11.00, 13.00 ja dii 15.00 sihke jus jerrojuvvo.

  • Kuruista keroille (Gurain alážiidda) (15 min.)
    • Jietna: duogášmusihkka, ii hállan.
    • Ráfáidahtti govvačájáhus Pyhä-Luosto álbmotmeahci luonddus ja duovdagiin iešguđetge jagiáiggiid áigge. Govvačájáhusain lea duogášmusihkka, nu ahte filmma lea álki čuovvut fuolatkeahttá makkár giella lea eatnigiellan.
  • Pyhätunturin geologia (Pyhäduoddara geologiija) (15 min.)
    • Jietna: suomagiella, ii teksten.
    • Diehtopakeahtta Pyhätunturi geologiijas.  Filbma lea čohkkejuvvon boares diaráiddus.
  • Pystykorvan uni (Ceakkobealji niehku (14 min.)
    • Jietna: suomagiella, eaŋgalasgiella.
    • Muossás video máinnas hámis suovvaguoikka gielddas ja dan luonddus.
  • Muuttohaukan maa (Fárbmofálli riika) (15 min.)
    • Jietna: suomagiella, eaŋgalašgiella, duiskkagiella, fránskkagiella. ii teksten.
    • Temán jeakkit, čázi johtin ja bárbmofálli eallin, guovlun Luiro jeakkit sihke Pyhä-Luosto álbmotmeahcci.

Lohkančiehka

Báziigo mii nu loddi, man deivet tuvrras váivvidit du? Vai váillahatgo čiekŋudeaddji dieđuid geđggiid hámiid riegádeamis dahje guovllu kulturhistorjjás? Pyhä-Luosto luondduguovddáš Naavai leat čohkkejuvvon girjjit luonddus, geologiijas ja elliin sihke Lappi kultuvrras ja turismmas. Girjjit gávdnojit ráfálaš lohkančiegáin, gos lea álki bosistit bottoža dutkkadettiin maid hildut fállet.