Avvijoga Kultala

Govva: Jouni Männistö.

Avviljoga Kultala lea Bátneduoddara meahcceguovllus.Davvi-Lappi
Anár (www.inari.fi)
Bátneduoddara meahcceguovlu
 

Stáhta huksehii Avvijoga Kultala dahjege Kultala Stationi 1870:s golli roggama ja gávppi bearráigeahččama várás. Ovddeštuvvon Kultalas sáhttá dego ođđasit muosáhit golleroggiid eallima, barggu ja doaivagiid badjel čuohte jagi duohken.

Avviljoga golli gávdnui, go senáhta sádden dutkanjoavku kártii golli gávdnoma Davvi-Suomas geassit 1868. Čakčat maŋimužžan lei vel vuorus Avviljohka, ja viimmat dutkanjoavku lei lihkkohan rivttes sadjái. Juo moatte beaivvi golledoidima maŋŋá čielgagođii, ahte Davvi-Suoma meahcceguovlluid mávssoleamos gollegávnnus lei gávdnon.

Avviljoga Kultala Stationi ja láibbohat. Govva: Pasi Nivasalo

Avviljoga ala boahtigohte olmmošeatnatvuođat juo maŋit gease, go guokte hárjánan gollealbmá leigga doidán doppe 2 kg golli. Diehtu golli gávdnomis leavai johtilit miehtá riikka, ja fargga ledje juo Avviljoga alde čuohte albmá gollelihku geahččaleamen.

Avviljoga Kultala gullá riikka dásis mearkkašahtti kulturbirrasiidda ja lea huksensuodjalančuozáhat.

Rabasáiggit

Avviljoga Kultala váldovisti lea álo rabas oahpásmuvvan dihte. Vistái sáhttá oahpásmuvvat nuvttá.

Oktavuođadieđut

Lassedieđuid Kultala birra addá Avvila bálvalanbáiki ja Suoločielggi bálvalanbáiki Kiehinen.

Johtinoktavuođat

Avviljoga Kultala lahkonankárta © Meahciráđđehus 2009

Bálggis Avviljoga Kultalai rohtte meahccebiilageainnu geažis lahka Pahaoja gámppá. Pahaojai manadettiin vuoját vuos eret njelješgeainnus Laanilas sullii 15 km Guhtura guvlui ja de jorggihat kioskka nurkkis olgešbeallai Soahtejogageainnu ala. Soahtejogageainnu mielde vuoját sullii 8 km ja de jorggihat gurutbeallai Pahaojai.

Pahaoja parkerensajis lea sullii kilomehter vázzit Pahaoja gámppá lusa. Soahtejoga rastá beassá ođđa šalddi mielde. Pahaojas lea vázzit 12 km Avviljoga Kultalai.

Kárttaide merkejuvvon johtolat Guhturgeainnus Kultalai boares Rovanena eatnangeainnu mielde ii leat šat anus iige dat leat merkejuvvon meahccái. Bálgá lea báikkuid váttis earuhit, iige dan mielde riekta gánnát johtit.

Johtinoktavuođaid birra lea muitaluvvon dárkileappot Bátneduoddara meahcceguovllu siidduin.

Bálvalusat

Ávdin- ja várrehusstobut

  • Avviljoga Kultala ođđalágan stohpu Kultala Stationi šilljobirrasis lea ávdin- ja láigostohpu.
  • Pahaoja ávdin- ja láigostohpu leat Soahtejoga nuorttabealegáttis, s. 500 m Guhtura geainnus earráneaddji Soahtejoga meahccebiilageainnus Pahaoja suorggi geažis.
  • Avviljoga Kultala gátti suovvasávdni lea museavisti, iige dat leat oaivvilduvvon vánddardeaddjiid atnui.

Lihkadanlápmásiid bálvalusat

  • Guovllus eai leat bálvalusat lihkadanlápmásiidda.

Lassedieđuid fidne Bátneduoddara meahcceguovllu bálvalusain.

Avviljoga Kultalas fuolaha Meahciráđđehus, Lappi Luonddubálvalusat.

Dán siiddu čujuhus lea www.lundui.fi/avviljogakultala.