Avveeljuuvâ Kuldal / Avviljoga Kultala, láigostohpu

8.5.2024
Avveeljuuvâ Kuldal / Avviljoga Kultala láigostohpu: Stohpu lea giddejuvvon 20.6 rádjái buollinsihkarvuođa geažil. Divodanbarggut čađahuvvojit álgogeasis. Stobu lea várremássii neahttagávppis fas 21.6. rájes.
22.3.2024
Várren- ja láigostobuide, maid Meahciráđđehusa Luonddubálvalusat bajásdoallá, sáhttá dahkat várremiid jahkái 2025 spiehkastatlaččat easka skábmamánu 2024 álggus. Lassedieđut

Jagi 1996 huksejuvvon stohpu lea fiinna báikkis Avviljoga davvegátti šiljobirrasis, gos lea maiddái historjjálaš 1860-logu loahpas huksejuvvon Kultala Ruvnnu Stašuvdna ja originála vuorkááiti ja gáddesávdni. Šiljobirrasis lea maiddái originála tevnnegiid mielde huksejuvvon stuorra láibbohat ja Kultala álbmotstohpu, mii láigohuvvo fitnodagaide ja servviide. Šiljobiras lea museaguovlu ja heive bures gollehistorjjás beroštuvvan olbmuide. 

Tiipa

Láigostohpu, 8 olbmui / 26 m²

Sajádat ja oppalaš govvádus

Davvi-Lappi, Anára gielda, Bátneduoddara meahcceguovlu

Stohpu lea Avviljoga davvigáttis sulaid 7 km Čuđejoga (Čuđejuuvâ, anárašgillii) njálmmis oarjjás, Kultala Kruvnna Statiovnna museabarttas sulaid 100 m vulos.

Stobu koordináhtat: Euref-Fin (~ WGS84) lat:68° 30.3636' lon: 26° 40.9352'  ETRS-TM35FIN: N: 7599320 E: 487007

Retkikartta.fi (suomagillii).

Stohpu lea huksehuvvon jagi 1996, ja dat lea gollehistorjjálaččat mearkašahtti museabirrasis. Šilljobiras lea museaguovlu.

Haddi ja várrehusat

60 euro / jandor (sis 10% álv). Várrehusjandor álgá ja nohká d. 12.00.

Varrehusat Urho Kekkonen álbmotmeahci áššehasbálvalusas telefovvnain dahje epoasttain ukpuisto@metsa.fi.

Čoavdagiid sáhtta viežžat Avvila bálvalanbáikkis dahje Taksi Vuotso / JJR Pehkonen Oy:s tel 044 243 2449, 044 242 2967 (riŋge ovddalgihtii) dahje sierra sohppojuvvon sajis. Čoavdagiid máhcaheapmi seamma sadjái.

Biergasat

Kamiidna ja sámeuvdna, gassaomman, čuovgan leat ginttalat, polstarat, guottát ja gokžasat, ii sávdni. Čáhci váldojuvvo ádjagis, mii golgá sulaid 30 mehtera duohken stobus. Šiljobirrasis lea muorravisti-goikehivsset ja dolastallanbáiki. 

Stobus lea iešdahtolaš bázahusfuolahus ja juohkkelaš johtti doalvu iežas luniid eret. Loga lasi ribahis várddardeamis.

Fuopmášumit

Stohpui oažžu buktit biebmoelliid. Ráhkadusa nuppe bealde lea maiddái 8 olbmo ávdinstohpu.  
12 km:a guhkkošas merkejuvvon meallunjohtolat Avviljoga Kultalai vuolgá Pahaoja ávdin- ja láigostobu luhtte. Kultalai boahtá Pahaojas 12 km merkejuvvon geassemáđidja. Avviljoga ja Soahtejoga rastá leat heaŋgášaldit. Stobu lusa beassá maiddái meallumiin. 

Museaguovllus lea lobálaš gohttet. 

Giehtatelefovnnaid gullon.

Vuodjinráva ja álmmolaš johtinoktavuođat

Suoločielggis vuddjojuvvo geainnu E-75 sullii 10 km máttás dahje Kakslauttanenas sullii 2 km davás, ja das jorggihuvvo Guhtturgeaidnui. Guhtturgeainnu mielde vuddjojuvvo 17 km ja jorggihuvvo Pahaojangeaidnui, man mielde vuddjojuvvo Pahaoja bisánansaji rádjai. Dálvet geaidnu ii plugevejuvvo.

Stobu lusa ii beasa álmmolaš fievrruid mielde. Lágamus bussebisánansadji lea E-75 geainnu guoras Guhttura luoddaearus, mas Pahaoja stobu lusa lea mátki ain sulaid 27 km.

Fuolahusas vástida

Meahciráđđehus, Luonddubálvalusat. Lassidieđut Urho Kekkonen álbmotmeahcci áššehasbálvalus, tel. 0206 39 7200Avvila bálvalanbáiki, tel. 0206 39 7701 dehe Davvi-Sámi luondduguovddáš Siida, tel. 0206 39 7740.

Várrendilli

Vánddardeapmi boazodoalloguovllus

""

Loga lasi vánddardeampi boazodoalloguovllus

Gieđas telefovdna, mas oidno Retkikartta.fi. Raba Retkikartta.fi:s (suomagillii) kártta, gos oidno Avviljoga Kultala láigostobu sajádat.

Vánddardanetikeahtta

1. Gudnejahte luonddu.

2. Vállje merkejuvvon máđijaid.

3. Váldde čielgasa leago gohtten lobálaš du válljen čuozáhagas.

4. Geavat dušše merkejuvvon dolastallansajiid.

5. Ruskkahis vánddardeapmi.

Loga lasi