Áššehasbálvalus ja rávven
Bátneduoddara meahcis eai leat luondduguovddážat dahje stobut, muhto lagamus ássan- ja turistaguovddážiin leat máŋggat. Dárbbašlaš kárttaid ja lobiid oažžu dáid báikkiin.
- Urho Kekkonena álbmotmeahci bálvalanbáiki Kiehinen
- Avvila bálvalanbáiki
- Davvi-Sámi luondduguovddáš Siida, Anár
Boradeapmi, málesteapmi ja nisttiid háhkan
Gávppit ja kafeat
- Lagamus gávppit ja bálvalusat gávdnojit Suoločielggi turistaguovddážis (saariselka.fi, suomagillii) sihke Avvilis ja Anáris (inari.fi).
Dolastallanbáikkit, gámmet ja beaivestobut
- Dolastallanbáikkit leat Áhpesjoga, Čuđejuuhâ ja Luohioja njálmmiin.
- Dolastallama várás huksejuvvon goađit leat Kuoppajärvis sihke guokte Soavveloivviid nuorttabealde.
- Rávdojávrri beaivestohpu lea Vuolimuš Rávdojávrri, mii lea Bátneduoddaris davvenuorttas Bátnejávrri ja Passaašjävri gaskkas Anár-Avvil -mohtorgielkámáđi guoras. Stohpu lea oaivvilduvvon dušše beaiveatnui.
- Siidsuori beaivestohpu (Sijdjuuvâš, anárašgillii) lea rabas 1.6. - 30.9.
- Stáhta eatnamiin Davvi-Sámis lea meahciráđđehus suovvan dola cahkkeheami rissiid ja ovssiid geavaheamin sierra lobi haga. Eanamuoraid dahjege gahččan muoraid váldimii ja geavaheapmái darbbasuvvo eanamuorralohpi, oažžu Avvila áššehasbálvalusas. Dikšojuvvon dollasajiid avžžuhuvvo geavahuvvot alo, go dat lea vejolaš.
- Meahcebuollinvaruhusa áigge dola cahkkeheapmi lea gildojuvvon maid dáid dollasajiin. Mátkevuoššana goit oažžu geavahit.
Juhkančáhci
- Čáhci lea dábálaččat guovllus jugahahtti, muhto geassit báhkaid áigge ávžžuhuvvo ahte dat vuššojuvvo.
Bázahusfuolahus
- Meahcceguovllus galgá figgat čorges vánddardeapmái, nuppiid sániiguin johttit galget ieža buktit luniideaset eret meahcis.
- Stobuid oktavuođas leat goittotge ruskkaid sorterenbáikkit ja Avviljoga Kultala bálgá vuolginbáikkis lea ekoruskabáiki.
- Loga lasi čorges vánddardeamis.
Hivssegat
- Buot fuolahuvvon stobuid, gámppáid ja dolastanbáikkiid oktavuođas leat goikehivsset.
Idjadeapmi
Dealttástallan
- Tealttástallan lea lobálaš juohkeolbmo vuoigatvuođa (ymparisto.fi, suomagillii) mielde.
Ávdinstobut- ja várrenstobut
- Avviljoga Kultala viehka ođđa stobus Kultala Station šiljus lea ávdin-, várrehusstohpu ja láigostohpu.
- Louhioja ávdinstohpu Avviljoga máttabealde, sullii 400 m jogas Avviljohkii golgi Louhioja fiesttarbealde.
- Liljeqvistta ávdinstohpu lea Čuđejoga gáttis, sulaid 350 km Avviljogas.
- Ritaguoikka ávdin- ja láigostohpu (Ryettikuoškâ, anárašg.) Avviljoga davvigáttis sullii 3 km Čuđejuuhânjálmmis nuorttas.
- Čuoivvatjávrri ávdinstohpu lea Menešjávrris sullii 7 km máttanuorttas leahkki Čuoivvatjávrriid gaskasaš muotkkis leahkki láddo máttafiesttargáttis.
- Guovžurjávrráža ávdinstohpu lea Gazzačuohppanoivviid ja Jomppáváriid gaskkas, Vuolimuš Guovzurjávrri máttageažis Guovžurjoga nuorttabealde.
Láigostobut
- Juntinoja láigogámpá Anár-Bohkká-geainnu lahkosis
- Karehjuuhâ láigogámpá Rááhájävri fiesttargáttis
Idjadeapmi mátkevovnnas dahje -biillas
- Bátneduoddara meahcceguovllus eai leat bálvalusat karavánaraidda, muhto iešráđálaš mátkkálažžii miellagiddevaš bisánanbáikkit sihkkarit gávdnojit
- Lagamus árbevirolaš gohttenbáikkit gávdnojit Avvilis (inari.fi), Suoločielggi turistaguovddážis (saariselka.fi, suomagillii) ja Kiilopääs leat sierralágan bálvalusat maiddái karavánaraidda, muhto albma gohttenbáiki ii leat doppe.
Lihkadanlápmásiid bálvalusat
- Lihkadanlápmásiid bálvalusat Bátneduoddara meahcceguovllus eai leat.
Idjadeapmi lahkosiin, biergasiid láigoheapmi ja eará bálvalusat lahkosiin
- Suoločielggi turistabáikkis (saariselka.fi, suomagillii), Anáris (inari.fi) ja Leammis leat máŋggat hoteallat ja eará idjadanbáikkit.
- Suoločielggi turistaguovddážis (saariselka.fi, suomagillii) sáhttá láigohit sierralágan rusttegiid.
- Lagamus báŋkkut ja dearvvasvuođaguovddážat leat Avvilis ja Soađegilis.
- Báŋkoautomáhta lea Suoločielggis. Doppe leat maiddái gávppit, restauráŋŋat, káffestobut, bensenstašuvnnat, táksit ja idjadanbálvalusat.
