Báišduoddara bálvalusat

Áššehasbálvalus ja oahpisteapmi

Siida - Sámemusea ja Davvi-Sámi luondduguovddáš
- Kárttaid ja guolástanlobiid vuovdin
- Vánddardanrávven ja oahpisteapmi
- Čájáhusat (sisabeassanmáksu): bissovaš čájáhus Davvi-Sámi luonddu ja sámekultuvrra birra ja molsašuvvi čájáhusat
- Museagávpi ja restoráŋŋa

Davvi-Sámis, stáhtaeatnamis, Meahciráđđehus diktá bidjat dola almmá sierra lobi haga eatnamii gahččan rissiin ja ovssiin. Eanamuoraid dahjege gahččan árvvuhis muora váldimii ja geavaheapmái dárbbašuvvo eanamuorralohpi, mii fidne Meahciráđđehusa Avvila bálvalanbáikkis ja Davvi-Sámi luondduguovddáš Siiddas. Gánnáha geavahit gárvves dolastallanbáikkiid, mat gávdnojit.
Meahcceguovllus leat čieža dolastallanbáikki. Johtalanvárri, Goahppelašjávri, Námmájávri ja Heargevarri leat Ohcejoga vánddardanjohtolaga guoras. Guivvi riekkesjohtolaga guoras meahcceguovllu máttageahčen leat dolastallanbáikkit Ruktajávrri ja Njávgoaivvi ávdinstobuid ja Áhkojávrri goađi oktavuođas.
Dolastallan meahccebuollinváruhusa áigge lea gildojuvvon maiddái dolastallanbáikkiin. Mátkevuoššana sáhttá goittotge geavahit.

Guovllu čázit jugahit dábálaččat. Golgi čáhci lea buoret go orru čáhci. Juhkančázi gánnáha vuoššat geassebáhkaid áigge.

Vánddardeaddji sávvet čuovvut čorges vánddardeami prinsihpa: vánddardeami áigge čoggon hádjoskeahtes bázahusat buktojuvvojit eret meahcis ja sirrejuvvojit. Loga lasi čorges vánddadeamis.
Ávdinstobuin ja Geavu vánddardanjohtolaga goabbat geažis leat ekosajit.

Juohke ávdinstobu, goađi ja dolastallanbáikki oktavuođas lea goikehivsset (Johtalanvári dolastallanbáikkis ii leat hivsset).

Vánddardeaddji oažžu friddja válljet idjasaji meahcceguovllus. Go gohtte boares tealtásajiide ja ávdinstobuid šiljuide, de ii loavtte nu ollu meahccebirrasa.

Báišduoddara meahcceguovllus leat golbma ávdinstobu.

Ruktajávri lea Ruktajávrri davvenuorttabeale gáttis Geavu vánddardanjohtolaga máttageahčen, meahcceguovllu máttaoarjjageahčen.
Njávgoaivi lea Njávgoaivvi davveoarjjabealde Guivvi johtolaga guoras, meahcceguovllu máttaoarjjageahčen, Geavu luonddumeahci oarjjabealde.
Goahppelašjávri lea Goahppelašjávrri máttageahčen Ohcejoga vánddardanjohtolaga guoras meahcceguovllu davágeahčen.

Meahcceguovllus eai leat láigobarttat, muhto lahkosiin lea okta Meahcirađđehusa bartta. Barta várremat bokte Lomarengas Oy (lomarengas.fi, suomagillii).
- Badjegeavŋŋis (lomarengas.fi, suomagillii) lea Ohcejohka-Gáregasnjárga-geainnu (nr 970) guoras, 25 km Ohcejogas Gáregasnjárgga guvlui.
Mátkkoštanbiilla ja -vovnna sáhttá parkeret Geaidnohálddahusa párkerensajiide. Karavánariidda gávdnojit bálvalusat Ohcejogas ja Gáregasnjárggas.
Lahkosiid eará idjadanvejolašvuođaid birra sáhttá gulaskuddat Ohcejoga (exploreutsjoki.fi) ja Anára gielddaid turistainfoin.

Guovllus eai leat bálvalusat lihkadanlápmásiidda. Sámemusea ja Davvi-Sámis luondduguovddáš Siiddas sáhttá lihkadit juvlastuoluin. Siiddas lea inva-wc ja olgomuseaguovllus sáhttá lihkadit geasi áigge veahkkebargi veagas.

Ohcejogas (exploreutsjoki.fi) leat valjis bálvalusat: earret eará borramuš- ja seahkalasgálvogávppit, poasta, dearvvasvuođaguovddáš ja idjadanbálvalusat.
Maiddái Gáregasnjárggas leat valjis bálvalusat.
Lagamus bensenstašuvnnat ja borramušgávppit leat Ohcejogas, Gápmasis ja Gáregasnjárggas. Dáin giliin gávdnojit maiddái táksebálvalusat.
Lagamus báŋkoautomáhta lea Anára girkobáikkis. Ohcejoga girkobáikki báŋkkus leat oaniduvvon rabasdoallanáiggit.
Lahkosiid borramušgávppiin leat dálkkasskáhpet.
Lahkosiin leat valjis turistafitnodatolbmot.
Biilla sirdinbálvalusaid sáhttá gulaskuddat báikkálaš tákse- ja turistafitnodatolbmuin (exploreutsjoki.fi).
Máŋggabealat dieđut Lappis ja guovllu turismabálvalusain gávdnojit Lomalle Lappiin -siidduin (lapland.fi, suomagillii).