Báišduoddara johtinoktavuođat ja kárttat

15.9.2020
Koronavirusa geažil luonddusge lea ágga atnit dorvogaskkaid ja čuovvut earenoamáš giehtahygieniija ee. stobuin, dolastallanbáikkiin ja hivssegis fitnamiid maŋŋá. Meahciráđđehusa linnjemat ja rávvagat beaiváduvvojit, go almmolaš koronarávvagat šaddet dárkileabbon.
Geahča lassidieđuid ja čuovo min rávvagiid.

Báišduoddara meahcceguovlu lea áibbas Suoma-Sámi davágeahčen. Guovllu rádjin davvin ja oarjin lea Deanuleahki, nuortan váldogeaidnu 4 ja máddin Gáregasnjárggageaidnu (nr 92).

Johtinoktavuođat

Biillain

  • Váldogeaidnu 4 Gápmasa gili davábealde Ohcejohkii lea meahcceguovllu nuorttabealde.
  • Máttabeallai guovllu beassá Gámas-Gáregasnjárga-geainnu (nr 92) mielde.
  • Deatnogátti geaidnu nr 970 Ohcejogas Gáregasnjárgii manná meahcceguovllu davá- ja oarjjabealde.
  • Virggálaš biilasirdinbálvalus ii gávdno, muhto bálvalusaid sáhttá gulaskuddat tákse- ja turistafitnodatolbmuin.

Almmolaš fievrruiguin

  • Guovllu nuorttabeallai beassá linnjábiillain Anáris ja Ohcejogas (dábálaš ruvtto Avvil-Njuorggán, johtilis ruvttot Roavvenjárga-Deatnu/Čáhcesuolu ja Ohcejoga guovllos máhccanruvttot). Áigetávvalat (matkahuolto.fi, suomagillii). Ohcejoga gilis lea sullii 5 km meahcceguovllu ráji ala.
  • Guovllu máttabeallai lea linnjábiilaoktavuohta Anáris (dábálaš ruvttot) Avvil-Gáregasnjárga, Oulu-Kárášjohka) ja Ohcejogas (Njuorggán-Avvil, Deatnu/Čáhcesuolu-Roavvenjárga), goas Gápmasis šaddá molsut Anáris Gáregasnjárgii manni linnjábiilii. Áigetávvalat (matkahuolto.fi, suomagillii). Linnjábiillas gánnáha báhcit eret ovdamearkka dihte Suttesjogas, 10 km ovdal Gáregasnjárgga, gos rohtte Geavu vánddardanjohtolat. Suttesjogas lea meahcceguvlui sullii 5 km. Gáregasnjárggas lea sullii 10 km meahcceguvlui.
  • Guovllu oarjjabeallai ja davábeallai beassá táksebiillain Ohcejogas dahje Gáregasnjárggas. Gáregasnjárga-Ohcejohka-geainnus (nr 970) lea 2-10 km meahcceguvlui.

Meahccereaissu vuolginsajit

  • Parkerensajit Ohcejogas leat Máttajávrris ja Ganešjávrris (davvenuorttabealli, oahpistantávval) ja Suttesjogas (máttaoarjjabealli, oahpistantávval).
  • Johtolagaid vuolginsajit

Kárttat

Elektrovnnalaš kárttat

Eará kárttat

  • Eanadatkárttat nr:at X433, X434, W443 ja W444 (Maastokartat), 1:50 000, Eanamihtidanlagadus. Kárttaid sáhttá oastit earret eará Davvi-Sámi luondduguovddážis Siiddas, Avvila bálvalanbáikkis ja Eanamihtidanlágádusas.
  • Olgolihkándankarta Kevo-Paistunturi 1:100 000, Calazo 2017. Kárttaid sáhttá oastit earret eará Davvi-Sámi luondduguovddážis Siiddas ja Avvila bálvalanbáikkis.
  • GT tuvrakárta Davvi-Suopma (GT-tiekartta), 1:400 000. Kárttaid sáhttá oastit earret eará Karttakeskusis ja girjegávppiin, main lea buorre válljenmunni.

Kárttaid vuovdinbáikkit

Gieđas telefovdna, mas oidno Retkikartta.fi. Raba Báišduoddara meahcceguovllu kártta Retkikartta.fi:s (suomagillii).

Parkerenbáikkit

  • Miessipolku 2, Ohcejohka
  • Utsjoentie nr 4 (E75), Máttajávri
  • Utsjoentie nr 4 (E75), Ganešjávri
  • Karigasniementie nr 92, Suttesája