Áššehasbálvalus ja oahpisteapmi

Boradeapmi, málesteapmi ja nisttiid háhkan

Dolastallansajit

  • Davvi-Sámi stáhtaeatnamiin Meahciráđđehus suovvá dola bidjama, nu ahte geavaha eatnamii gahččan rissiid ja ovssiid, almmá sierra lobi haga. Sávvojuvvo, ahte geavahuvvvo boares dollasadji, jos dakkára gávdná.
  • Sajošdola bidjan meahccebuollinváruhusa áigge lea gildojuvvon maiddái dolastallanbáikkiin.

Juhkančáhci

Čázi sáhttá dábálaččat juhkat. Dábálaš njuolggadus lea, ahte golgi čáhci lea buoret go čuožžu čáhci. Ávžžuhuvvo, ahte geassebáhkaid áigge čáhci vuššojuvvo.

Bázahusfuolahus

  • Sávvojuvvo, ahte vánddardeaddji čuovvu čorges vánddardeami prinsihpa: johtima áigge šaddan ruskkat, mat eai eanaluva, sorterejuvvojit. Loga lasi čorges vánddardeamis. Ávdinstobuin leat ruskalihtit.

Hivssegat

Ávdinstobuid oktavuođas lea goikehivsset.

Idjadeapmi

Dealttástallan ja lávut

Vánddardeaddji sáhttá cegget tealttá/lávu báikái, man lea válljen. Ávžžuhuvvo, ahte johttit ceggejit tealttá/lávu ávdinstobu šiljui ja boares tealtábáikái ammes eana gollat.

Ávdinstobut

  • Gurdu lea Jorba Gáisávári máttabealde, Gurtojohka davvegáttis.
  • Stuorraávži lea ávžži fiesttargeažis, sullii 800 m fiestarii Stuorraávžeádjaga bajimuš gieraláddos.

Idjadeapmi lahkosiin

  • Lagasguovllus gávdnojit Meahcirađđehusa láigostohpu.
    • Čivttavárri lea Áŋŋel-Gáregasnjárgga-geainnu (nr 9553) guoras, 12 km Áŋŋelis Gáregasnjárgga guvlui.
  • Lagašguovllu eará idjadanvejolašvuođain sáhttá jearrat Ohcejoga (exploreutsjoki.fi) ja Anára (inari.fi) gielddaid turistainfos.

Mátkebiillat ja -vovnnat

Mátkebiilla ja -vovnna sáhttá parkeret geaidnohálddahusa parkerenbáikkiide. Karavánaraidda gávdnojit bálvalusat Gáregasnjárggas ja Gáregasnjárggageaidnoguoras Muotka Ruoktus.

Lihkadanlápmásiid bálvalusat

Guovllus eai leat bálvalusat lihkadanlápmásiidda. Sámemusea ja Davvi-Sámi luondduguovddáš Siiddas sáhttá johtit jorrestuoluin. Siiddas lea inva-wc, olgomuseaguovllus sáhttá lihkadit geassit, nu ahte veahkeheaddji lea fárus.

Eará bálvalusat lahkosiin

  • Avvilis (inari.fi) leat olu bálvalusat: spesiálagávppit, borramušgávppit, báŋkkut, poasta, dearvvasvuođaguovddáš, virgedoaimmahagat, restauráŋŋat ja hoteallat.
  • Lagamus borramušgávppit ja bensenstašuvnnat leat Anáris, Gápmasis ja Gáregasnjárggas.
  • Táksevuoddjit leat Anáris, Gápmasis ja Gáregasnjárggas. Sis sáhttá diđoštallat biillasirdinbálvalusaid, nugo turistafitnodatolbmuin.
  • Lagašguovllus leat máŋggat turistafitnodatolbmot.
  • Dálkkasskáhpet gávdnojit lagašguovllu borramušgávppiin.
  • Máŋggabealat dieđut Lappis ja guovllu turismabálvalusain gávdnojit Lomalle Lappiin -siidduin (lapland.fi, suomagillii).