Njuohttejoga vánddardanjohtolat, 40 km

14.7.2021
Vuovde- ja gulubuollinváruhusa (ilmatieteenlaitos.fi, suomagillii) áigge dolastallan lea lobálaš dušše bohcciiguin, gokčojuvvon dolastallanbáikkiin sihke ávdinstopuid ja barttaid dollasajiin earenoamáš várrugasvuođain. Dola cahkkeheaddji vástida álo dolastallama dorvvolašvuođas. Válddathan vuhtii, ahte dolastallan dain sáhttá gildojuvvot báikegottiid guovdu.

Njuohttejoga máttabealli 16 km

Vánddardeami sáhttá álggahit Haukijärvenoja parkerensajis (s. 93 km Suovvaguoikkas), gos gávdno parkerenvejolašvuođa lassin maiddái oahpistangoavdi. Parkerensajis beassá njuolgga merkejuvvon johtolahkii. Čuovvovaš orustansadji lea Hirvashauta ávdin- ja várrehustohpu, gos mátki joatkašuvvá Saiho ođđa ávdinstohpui Rádjeavádaga lahkosiin joga lea álki rasttildit johtolaga jorggihansajis Kolsankoski heaŋgášalddi mielde.

Fuom! Kolsankoski heaŋgášaldi lea gahččan iige leat geavahusas dálvet 2020.

Njuohttejoga davábealli 24 km

Njuohttejoga davábealde vánddardanjohtolat manná vuvddiid čađa Kummalehdonoja dolastallanbáikái, mas ovddosguvlui dat manná lagabus joga. Mettopalo ávdinstohpu heive vánddardeami orustan- ja idjadanbáikin, nugo maiddái Kärekeoja ávdin- ja várrehusstohpu. Vehá earotbealde johtolagas lea Karhuoja ávdin- ja várrehusstohpu, mas lea maiddái sávdni.

Haukinivaid buohta, Kärekeoja ávdin- ja várrenstobu lahkosiin Njuohttejoga sáhttá vehá čázi áigge gállit rastá. Joga rastá lea čavgejuvvon gállinváijer, masa sáhttá dorjet rasttildettiin. Čáhcedili gánná álo dárkkisit ovdal vánddardeami Suovvaguoikka oahpistanguovddáš Bealljeduoddaris dahje Urho Kekkonena álbmotmeahci bálvalanbáiki Kiehinenis.

Njuohttejoga vánddardanjohtolaga sáhttá johtit maiddái nuppe guvlui dahjege johtit vuos Njuohttejoga davábeale.