Boahtin Urho Kekkonena álbmotmeahccái

Urho Kekkonena álbmotmeahcci lea Soađegilli–Avvil-geainnu (nr 4/E75) nuorttabealde. Álbmotmeahccái lea mátki 240 km Roavvenjárggas, Avvilis 30–50 km. Lagamus girdišillju lea Avvilis ja ruovdegeaidnostašuvdna Roavvenjárggas.

Meahccereaissu vuolginsajit

Álbmotmeahci Suoločielgi–Gilonanoaivi-guovllu ja Tankavaara vánddardanmáđijaid vuolggasajit leat áibbas riikkageainnu lahka. Eará vuolggasajit leat Aittajärvi, Ráji-Jovsseba, Kemihaara ja Haukijärvenoja parkerensajit (Njuohttejoga vánddardanjohtolat).

Linnjábiillain Urho Kekkonena álbmotmeahccái

Roavvenjárggas johtet linnjábiillat (matkahuolto.fi, suomagillii) birra jagi Gilonanoaivái, Suoločielgái ja Tankavaarai. Girdingiettis johtet linnjábiillat Suoločielgái ja Gilonanoaivái (eskelinen.fi, suomagillii) juohke girdis.

Biillain Urho Kekkonena álbmotmeahccái

Suoločielggi parkerensadji, Lutontie 10–12, Suoločielgi (Anár). Sadji 20 biilii. Dálvebajásdoallu. Almmolaš parkerensajit leat Suoločielggi kapealla oktavuođas ja Laanila Piispankivi bálddas, earát leat fitnodagaid áššehasbáikkit.

Gilonanoaivvi vuolginpoarta, Kiilopääntie 620, 99830 Suoločielgi. Vuolginpoartta koordináhtat: WGS84 lat: 68° 20.7882'  lon: 27° 27.7299'.

Tankavaara parkerensadji, Tankavaarantie 11 B, 99695 Tankavaara (Soađegilli). Sadji 50 biilii. Dálvebajásdoalu áigge parkerensadji lea unnit.

Aittajärvi parkerensadji, Suoločielgi–Avvil-geainnus (geainnu nummir 4) jorgaluvvo Kuutua meahccebiilageidnui nuorttabealde. Vuddjojuvvo meahccebiilageainnu mielde sullii 35 km. Geainnu guoras leat moatte luoddaearus galbbat, mat rávvejit mannat olgeš guvlui Aittajärvi guvlui. Sadji 50 biilii. Ii dálvebajásdoallu.

Ráji-Jovsseba parkerensadji, Avvilis Rájijovssetgeainnu (nummir 91) vuddjojuvvo sullii 42 km. Geaidnu manná olgeš guvlui golbma kilomehtera rádjegozihanstašuvnna maŋŋá, ovdal Ráji-Jovssetvári. Geainnus leat geaidnomerkemat. Sadji 30 biilii. Ii dálvebajásdoallu.

Haukijärvenoja parkerensadji, Suovvaguoikka girkosiiddas sullii 93 km. Vuddjojuvvo Tulppiontie (geaidnu nummir 9671) mielde 80 km ja Tulppios jorgaluvvo gurut guvlui Rannisvaarantie guvlui. Sadji 10 biilii. Rannisvaaranties ii leat dálvebajásdoallu.

Kemihaara parkerensadji, Korvatunturintie 1062, Suovvaguoika. Mátki Suovvaguoikkas lea 107 km. Suovvaguoikka gilis vuddjojuvvo (geaidnu nummir 967) sullii 12 km, jorgaluvvo olgeš guvlui (geaidnu nummir 9671), ovdal Tulppio jorgaluvvo Korvatunturintie guvlui (geaidnu nummir 19512) Kemihaara guvlui. Sadji 20 biilii. Dálvebajásdoallu.

Fuomášathan, ahte oassi geainnuin leat meahccebiilageainnut ja daid ortnegis sáhttá jearrat Urho Kekkonena álbmotmeahci bálvalanbáiki Kiehinenis.