Čeʹvetjäuʹrr – Polmak -ǩeäin kääzzkõõzz

Äʹššneǩ-kääzzkõs da vuäʹpstõs

Vuuʹd čääʹʒʒ vuäitak takainalla juukkâd. Kolggi čääʹcc lij pueʹrab ko čueǯǯai. Siâzztõõlât kuuitâǥ, što juukkâmčääʹʒʒ ǩeeʹttet ǩieʹzz paaštpooddi ääiʹj.

Poostaijânnmest jååttjest raaukât jääʹǩǩted njeäʹššteʹmes jååttmõõžž vuâđđjurddi: jååʹđeen šõddâm mäddõõvǩâni njeäʹšš puuʹtet meädda luâđast da tõn šlajjeet.
Vuuʹd njeäʹššpääiʹǩ lie meäʹccǩeâmpai da kuäʹđi õhttvuõđâst. Tollraajjâmpaaiʹǩin lie njeäʹššleeʹtt.
Mäddõõvvi njeäʹšš piijât nuuʹžnka leʹbe kompoʹstte da uuʹcces mieʹrid puuʹttes põmmai da assâspõmmai vuäitt ââʹnned kuäʹcǩǩnjõssân. Puk jeeʹres njeäʹšš âlgg kueʹdded jiijjad rååʹšnest luâđast meädda.

Puäʹlddem-muõrid vuejat meäʹccǩeâmpaid ǩiđđtääʹlvest. Muõr liâ saaʹđjum jobblõkkân da jäänaš luõddum. Puäʹlddem-muõrrhuâll âânn luâđreeʹǧǧesvuõđid – âânak tâma luõddum muõrid šieʹšteeʹl.

Roskk- da puäʹlddem-muõrrhuõlâst vaʹsttee Meäʹcchalltõs, Sääʹmjânnam Luâđkääzzkõõzz. Lââʹssteâđaid oudd Pâʹjj-Sääʹmjânnam luâđkõõskõs Siida (lääddas).

Innsuõjjan kåvvaz leʹbe obbraggâz ciâggtummuš lij ǩeäin kuâŋŋsest sååʹvšum juõʹǩǩka vuõiggâdvuõđin (lääddas). Jânnam ânnʼjõõvvâm diõtt leʹčči šiõǥǥ ââʹnned juʹn instum instempaaiʹǩid da ǩeâmpai pirrõõzz.

Ǩeâmp, saaujest tââvas:

Iisakjäuʹrr (lääddas), åårr Iisakjääuʹr vuärjjalreeddast (19 ǩm Čeʹvetjääuʹrest)
Rousajäuʹrr (lääddas), åårr Rousajääuʹr ooʹbbdneeʹǩǩvueʹzzest jooʹtti vuäj nuõrtireeddast, 100 mettar jääuʹrest. Rousajäuʹrr åårr väʹlddǩeäinast nuõrttja mõõnni mååʹǩǩ kuâŋŋsest. (28 ǩm Čeʹvetjääuʹrest.)
Huikinvárjokk (lääddas), åårr Huikinvárjooǥǥâst nuʹtt 500 mettar tââvas uʹcc laaddu reeddast nuʹtt 100 mettar jooʹttemǩeäinast (28 ǩm Čeʹvetjääuʹrest väʹlddǩeäin mieʹldd jååʹđeen).
Čaarâjäuʹrr (lääddas), åårr Čaarâjääuʹr nuõrtireeddast (40 ǩm Čeʹvetjääuʹrest)
Čuõmâsjäuʹrr (lääddas), åårr Golmmesoaivi-raajjtuõddâr reddviõstârbeäʹlnn åårrai Čuõmâsjääuʹr tâʹvvreeddast (51 ǩm Čeʹvetjääuʹrest).