Če'vetjäu'rr – Pulmank –ǩeäin vä'ǯǯelvuõtt

Čeʹvetjäuʹrr - Pulmank -jååʹttemǩeäinn lij tiõttum da viâhhtum mååžna puârast, da ǩeäin kuâŋŋsest liâ muäʹdd meäʹccǩeâmppad da õhtt tollsââʹjjpäiʹǩǩ. Ǩeäinn lij väʹǯǯel, tõʹnt ǥu tõt mâânn čuâǥteʹmes poostaijânnam čõõđ. Tät peejj jooʹttja oolǥtummuužž teäʹttemsilttõõzzi diõtt. Lââʹssen tââʹv tuõddârvuuʹd krõõtai vaajtõõvlaž šõõŋ âʹlǧǧe väʹldded lokku.

Jååʹttemmääʹtǩ plaanmest lij šiõǥǥ veäʹǩǩen Čeʹvetjääuʹr - Nuorgam virksmõõvvâmkartt.

Luâtt

Ǩeäinast liâ siõmmna âlladvuõttjeäʹrdõõzz, da pääʹljes lij eežža pueʹrr jååʹtted. Ǩeäin määʹtǩ pueʹtǩǩeei jooǥǥ leʹbe čääccpääiʹǩ mõõnât moost ǩeeʹjjmieʹldd leʹbe kääʹleeʹl leʹbe troossin vaʹrrjum võnnsin. Njauddâm- da Pulmankjooǥǥâst liâ sorččaimoost.

Jååʹttem peeštõs

Jååʹttmõõžž peeštõʹsse vaiʹkkte mäŋgg jeeʹresnallšem ääʹšš, koid âlgg väʹldded lokku, jooʹtti friskkvuõtt da måkam šõõŋ liâ. Kõskkmieʹrren ouʹddnemjåʹttelvuõttân luâđast vuäitt ââʹnned nuʹtt 3 ǩm čiâssâst. Ǩeäin vuäʹppõsnallšem jååʹttemäi´ǧǧ lij 4 - 5 sutkkâd.

Tälvvalaađ- da tuä'lâânnmõš

Čuõiggâmlaatt lij karssum luâđast miâlggât vueʹll-jânnma. Tälvva jååttmõš lij seârvvna pâi viõǥǥid kõõčči - späʹsseb vaajtõõvlaž šõõŋi da muõttkuâldi. Jååʹttemǩeäin vueʹllǥa ǩeäinnmeârkkõõzz kuâđđje muõtti vuâlla, tõn diõtt ǩieʹssmädd ǩeäinn ij ââʹned täʹlvvâânnmõʹšše.