Kaldoaivi poostaijânnamvuʹvdd, Čeʹvetjääuʹr – Njauddâm vuʹvdd
Čeʹvetjäuʹrr – Pulmank -jååʹttemǩeäinn mâânn jõnn Kaldoaivi poostaijânnam čõõđ. Ǩeäin kookkadvuõtt lij 60–70 ǩm ǩeäinvaʹlljeem mieʹldd. Saaujbeäʹlnn ǩeäinn mâânn veâl kuålvvši čõõđ, leša tâʹvve mõõneeʹst tuõddârõõlâz motstââvv veâl jäänab šââddteʹmnallšem da čeäʹrrsueʹǩǩ luâttan. Ǩeäinn lij tiõttum käälkain kälkkuum malinovruõʹpsses muõrrståʹlbbǩeeʹjjivuiʹm.
Ǩieʹssmannu aalǥâst muõtt lij juʹn jäänaš suddâm poostaijânnmest, leša jõõǥǥ da vuäj tolvva tuʹlvväi´ǧǧen. Pääʹres jååʹttemäiʹǧǧ lij evvanpeeiʹvest kålggmannu aalǥbeäʹlnn.
Täʹlvvǩeäinn
Čeʹvetjääuʹrr – Pulmank kõõskâst mâânn täʹlvvǩeäinn, koon kookkadvuõtt lij nuʹtt 70 ǩm. Ǩeäinn lij tiõttum luõttu muõrrståʹlbb ǩeäčča rajjum da käälkain kälkkuum ruõʹpsses ruõssivuiʹm.
Täʹlvvǩeäinn lij jurddum čuõiggjid, ij raʹnnilååʹv lååʹnstam motorǩeâlkkneeǩǩi vuejjam diõtt. Motorǩeâlkkneeǩǩi diõtt Čeʹvetjääuʹr – Nuorgam kõõskâst mâânn raʹnni, kååʹtt lij tiõttum luõttu muõrrståʹlbb ǩeäčča rajjum käälkain kälkkuum ruõʹpsses ruõssivuiʹm. Täʹlvvǩeäinn da motorǩeâlkkraʹnn liâ õʹhttemõõnnâmnallšem Čeʹvetjääuʹrest Opukasjääuʹr räjja, koʹst tõk rätkkje oʹđđest õʹhttnem diõtt âʹpet Tsaarajääuʹrest.
Täʹlvvǩeäin kaarsiǩ järran ǩieʹssmädd ǩeäinast: täʹlvvǩeäinn mâânn vueʹllʼjânnmi pääiʹǩ nuʹtt cieʹlǩeel jieʹǧǧi da jõrŋŋjääuʹri pääiʹǩ. Täʹlvvǩeäin jeät õnnu nuʹtt jååʹttem diõtt äävai, leša täʹlvvǩeäin âʹnne äävai tuâi diõtt Meäʹcchalltõõzz huõlltuâjjoummu, raajjväärdtõk da puäʒʒoummu. Čuõǧǧi vuäitt kâʹl jouddâd ääʹveed porgglaađ alggtääʹlvest da mâŋŋa kuâld.
Vuuʹd raʹddai: Meäʹcchalltõs, Sääʹmjânnam Luâđkääzzkõõzz (lääddas) (Lapin Luontopalvelut).
