Kaareehjuuhâ, láigostohpu

Láigostohpu, 3 olbmo ja 10m2. Sávdni lea sierra.

Várrehusat

Avvila Bálvalanbáikái (Ivalontie 10, 99800 Avvil (Anár), tel. 0206 39 7701) dahje Luondduguovddáš Siidii (Inarintie 46, 99870 Anár, tel. 0206 39 7740).
Várreneavttut Kaareehjuuhâ láigostohpui. Geahča čoavdaga viežžansajiid.

Kaareehjuuvâ hirsameahccestohpu lea Bátneduottara meahcceguovllu nuortarávddas, Kaareehjuuhânjálmmis Ruhtajávrri (Rahajärvi) viestargeahčen. Ruhtajávri lea erenoamáš dápmohiid oaggunčáhci ja Kaareeh guovllu luondu, stobus davveviestarii, viestarii ja Kaareehjuuvâ bajás manadettiin lea hui čáppa vanddardaneatnamat. Ruhtajávri lea dulvaduvvon jávri ja doppe fatnasiin galgá leat erenoamáš várrugas geđggiid ja gárgguid geažil.

Sajádat

Davvi-Lappi, Anára gielda, Bátneduoddara meahcceguovlu, Anára vánddardanguovlu

Avvilis 11 km davás Ukonjávrái, gos jorgala gurutbeallai čievrageaidnu (Galbbas lohká: Kirakkajoen vuokratupa), čievrageaidnorái 2,3 km Ruhtajávrri fanashámmanii. Fanashámmanis lea lohkka bierggasgássa ja fanas (Kala-Palta, reg. 4 olbmui.), mas lea heŋgenmohtor (Yamaha 5 hv, 4-dákta). Bensena galgá láigoheaddji buktit fárus, bensen 98 okt. Fanas ja heŋgenmohtor gullet stobu láigohaddái.

Fanasmátki Ruhtajávrri viestargeahčái stobo lusa lea sullii 11 km. Fátnasiin stobo lusa jođidettiin lea sivva leat hui dárki ja galgá vuodjit gulul jávrri geđggiid ja gárguid geažil. Fanasmátki ávžžuhat dahkat beaivvečuovgga áigge , borgemánus eahkedat ja ijat leat juo gerbmosat ja čakčamánu bealde seavdnajadat. Fanashámmaniid bierggasgássain lea Ruhtajávrri gárta. Dasa lea merkejuvvon bahámus geađgás sajit, mat leat dieđus. Geđggiid sajádat ii leat dárki eaige buot geađggit leat fidnejuvvon gártehussii.

Molssaevttolaš johtu

Avvila girkus jorggiha geaidnu gurutbeallai Paltojávrái, meahccebiilageaidnorái beassá Čoages Soavveljávrri dávágeahčái, gos vázzinmátki Kaareehjuuvâ stobo lusa dádjademiin lea sullii 6 km. Geinnodagat eai leat merkejuvvon!

Stobu koordináhtat WGS84 lat: 68° 43.4454' lon: 27° 11.7732'  ETRS-TM35FIN: N: 7623610 E: 507945
Retkikartta.fi (suomagillii)

Lagamuš ránnjá sullii 5 km duohken.

Lagamuš gilli lea Avvil 23 km, gos leat buot vuođđobálvalusat.

Haddi

75 € / jándor dahje 450 € / vahkku. Hattit sisdollet 10% álv.
Stohpu várremássii njukča-golggotmánus.

Čoavdagat

Čoavdagiid sáhttá viežžat Ivalo River Camping:s (ivalorivercamping.com, suomagillii) (Kerttuojantie 1, 99800 Avvil (Anár) tel. 040-0395046) dahje Avvila Bálvalanbáikkis dahje Luondduguovddáš Siiddas máksoguitte vuostá. Čoavdda máhcahuvvo seamma sadjái.

Biergasat

Muorrauvdnaliggen, gássauvna, olgohivsset, čuovgan ginttal, juhkančáhci Kirakkajogas dahje lagas gáldus, eanageallir, olgodolastallansadji ja suovastangássa, sierra sávdni. (Fuom! Šilju boares barta ja suovvasádni eai leat šat geavahusas).

Stobus leat bázahuslihtit, muhto ávžžuhat buktit vánddardeaddjiid bázahusaideaset. Loga lasi ruskkahis vánddardeamis.

Fuopmášumit

Kaareehjuuhâ lea ráfohuvvon juohkelágan guolástemis dego maid johkanjálbmi 400 mehtera mátkkis Ruhtajávrri goappatbeale gáttiin.
Stohpui oaččo buktit biebmoelliid.

Giehtatelefovnnaid gullon

Fuolahusas vástida

Meahciráđđehus, Lappi Luonddubálvalusat.
Lassidieđut Luondduguovddáš Siida, tel. 0206 39 7740.

Gieđas telefovdna, mas oidno Retkikartta.fi. Raba Retkikartta.fi:s (suomagillii) kártta, gos oidno Karehjuuhâ láigostobu sajádat.

Vánddardanetikeahtta

1. Gudnejahte luonddu.

2. Vállje merkejuvvon máđijaid.

3. Váldde čielgasa leago gohtten lobálaš du válljen čuozáhagas.

4. Geavat dušše merkejuvvon dolastallansajiid.

5. Ruskkahis vánddardeapmi.

Loga lasi