Álbmotmeahcit

Háliidatgo ovddošit fiinna eanadagaid oanehis luonddubálgás ja borralit ovttas nisttiid mánáiguin dikšojun dolastallanbáikkis? Vai váillahatgo hástaleaddji geinnodaga buktin fysalaš váibama, ja ija nástealmmi vuolde čavddis jaskatvuođas? Suoma 40 álbmotmeahci fállet juohkehažžii iežas vuogi návddašit riikkamet čábbaseamos luonddus.

Suoma álbmotmeahcit kárttas © Meahciráđđehus 2012

Álbmotmeahcit leat stuorra luonddusuodjalanguovllut, maid dehálaš bargun lea dorvvastit luonddu máŋggabealatvuođa ja maiddái fállat olbmuide vejolašvuođa návddašit ja lotkkodit luonddus. Álbmotmehciin leat merkejuvvon geinno-
dagat, luonddubálgát ja dolastallanbáikkit. Álbmotmehciin sáhtát maid idjadit, dasgo dain leat tealttástallanbáikkit dahje idjadeapmái dárkkuhuvvon ráhkadusat. Lassedieđuid gávnnat guđege álbmotmeahci iežas neahttasiidduin.

Reaissu gánnáha álggahit oahpásmuvvamiin luondduguovddážii, mat gávdnojit lea muhtin álbmotmehciid oktavuođas. Luondduguovddážis oaččot lassedieđuid guovllus ja dan bálvalusain.

Dieđuid eará go Suoma davimus álbmotmehciin gávnnat min neahttasiidduin suomagillii ja ruoŧagillii. Fuomáš, ahte maid Nuuksio álbmotmeahcis leat sámegielat siiddut.