Jyppyrä godderokkit

15.9.2020
Koronavirusa geažil luonddusge lea ágga atnit dorvogaskkaid ja čuovvut earenoamáš giehtahygieniija ee. stobuin, dolastallanbáikkiin ja hivssegis fitnamiid maŋŋá. Meahciráđđehusa linnjemat ja rávvagat beaiváduvvojit, go almmolaš koronarávvagat šaddet dárkileabbon.
Geahča lassidieđuid ja čuovo min rávvagiid.
Govva: Maarit Kyöstilä / Meahciráđđehus.

Davvi-Lappi, Eanodat, Heahtá guovlu
 


Eanodaga márkanis Heahtás sáhttá oahpásnuvvat ovtta Lappi stuorimus bivdoroggeráidduin. Heahtá guovllus leahkki Jyppyrä godderokkiide sihke eará goddebivdinvugiide sáhttá oahpásnuvvat Duottar-Sámi luondduguovddáš lahkosis, gos lea Goddebálggis.

Jyppyrä lea várri, mii lea dasttán Heahtás. Jyppyrä birrasiin leat gávdnon badjel čuođi godderoggebázahusa. Dat hábmejit ovttas gehtetlágan godderoggevuogádaga, man ollesguhkkodat lea 1,5 km. Godderokkiid bázahusat leat measta áidna mearkkat ovdahistorjjálaš bivdorusttegiin, mat leat seilon gitta dássážii.

Jyppyräi johtán gottit sáhtte nuvván gahččat godderokkiide. Stuorimus sállašat goittot fidnejuvvo vuojehanbivddu oktavuođas, mas vuojeheaddjit vuojehedje gottiid goddebivdinguovllu guvlui. Vuojehanbivddus geavahedje veahkkin sivlláid, mat cagge gottiid báhtareamis boastto guvlui. Maiddái goddebeatnagiid geavahedje veahkkin goddevuojeheamis.

Jyppyrä birrasat ledje dolin gottiid dálveguohtonguovlun. Goddebivdobáikkit hábmejedje ollisvuođa, masa bivdorusttegiid lassin gulle doarjjabáiki, biergovuorkkát ja bálvvosbáiki sieidi. Jyppyrä sieiddi lohket leamaš Jyppyrä alážis. Dat lei stuorra njealječiegat geađgi, mii čuoččui njealje smávvageađggi veagas. Árbedieđu mielde Heahtá girku huksejeaddjit fierahedje 1800-logus sieidegeađggi vári vuolde leahkki Ovnnesjávrái.

Oktavuohtadieđut

Johtinoktavuođat ja kárttat

  • Jyppyrä godderokkiid johtinoktavuođaid birra lea muitaluvvon Heahtá guovllu siidduin.
    • Jyppyrä godderokkiide sáhttá oahpásmuvvat Duottar-Sámi luondduguovddáža šiljus vuolgi Goddebálgá nalde.

Elektrovnnalaš kárttat

Bálvalusat

Goddebálggis, 2 km

  • Goddebálggis vuolgá Duottar-Sámi luonddu- ja kulturguovddáš šilljobirrasis. Šiljus lea áiddi siste ovddeštuvvon godderoggi. Guovllus lea maiddái gokčojuvvon dolastallanbáiki.
  • Sullii kilomehtera guhkkosaš bálgá geahčái lea dahkkojuvvon gierdofárfu. Duottar-Sámi luonddu- ja kulturguovddážii beassá fas seamma johtolaga mielde. Bálggis lea merkejuvvon goddebácciide giddejuvvon gazzaluottaiguin.
  • Bálgá guoras leat oahpistandávvalat, main muitalit dološ goddebivdinvugiin ja sogahuhtton gottis.
  • Goddebálgá guoras leat moanat godderoggebázahusat. Dat leat suddjejuvvon dološmuitolága vuođul, ja danin johtaleaddji ii oaččo spiehkastit eret bálgá alde.

Lihkadanlápmásiid bálvalusat

  • Duottar-Sámi luonddu- ja kulturguovddáš čájáhusas ja maiddái šiljus sáhttá johtalit juvlastuoluin.
  • Luondduguovddáš lea maiddái inva-WC.

Guovllu dikšu: Meahciráđđehus, Lappi Luonddubálvalusat (Lapin Luontopalvelut).

Dán siiddu čujuhus lea lundui.fi/jyppyragodderokkit.

Gieđas telefovdna, mas oidno Retkikartta.fi. Raba Retkikartta.fi:s (suomagillii) kártta, gos oidno Jyppyrä godderokkiid sajádat.

Parkerenbáiki

  • Peuratie 15, Duottar-Sámi luondduguovddáš