Sállevári bigálusbáiki

destination-hero-default-alt

Almmis govvejuvvon njárbes vuovdi, man guovdu lea rabas gieddi. Gietti birastahttá okta stuorit muorain huksejuvvon áideráhkkanus, masa gullet eatnatlohkosaččat unnit áideráhkkanusat.Davvi-Lappi, Anár, Leammi álbmotmeahcci

 


Sállevári bigálusbáiki lea ovddeštuvvon huksenollisvuohta, mas sáhttá njulgestaga vuoigŋat dološ áiggi. Sállevári dálvebigálusat sáhtte bistit ovdalaš áiggiid moanaid vahkuid. Olbmot dopme gárddi luhtte, ja eallin lei hui girjái.

Sállevárri lea Leammi álbmotmeahcis, Suoma stuorámus geainnuhis meahcceguovllus. Álbmotmeahcci gullá sámeguvlui, mas oassi álgoálbmogis ainge oažžu áigáiboađus boazodoalus ja eará luondduealáhusain.

Sállevárri oktan gámppáiguin ja gárddiiguin lea okta hárve bures seilon dološ stuorra bigálusbáikkiin. Juovla- ja ođđajagimánus dollojuvvon bigálusat biste vahkus moatte vahkkui, ja olbmot čoahkkanedje gárddi lusa lagabus ja guhkkelis. 1950-logu bigálusbáikkis bohte atnui girjás márkanastinvierut oktan eahketgávppašemiiguin ja dánsumiiguin.

Gámppát ja gárderusttegat ovddeštuvvojedje 1980-logu loahpas. Rusttegat leat suodjaluvvon ealáhus- ja kulturhistorjjálaččat divrras muitomearkan sámi boazodoalus. Gámppát leat ainge priváhtaoamastusas, muhto oassi dain leat rabasin olbmuide juogo oaidnámuššan dahje ávdinstohpun. Gámppáin, mat leat almmolaš anus, fuolaha Meahciráđđehus.

Rabasáiggit

Almmolaš atnui oaivviduvvon gámppát leat álo rabas. Visttiide sáhttá oahpásmuvvat nuvttá.

Oktavuođadieđut

Johtinoktavuođat ja kárttat

Biillain ja vácci

  • Bálggis Sállevárrái rohtte Riebanjoga oahpistanbáikkis, mii lea Anár - Gihttel - geainnu (nr 955) guoras Anáris 70 km Gihttela guvlui. Oahpistanbáikkis lea sullii 6 km vázzit Sállevári bigálusbáikái. Johtolat leat dihkkáduvvon ja njuoska sajiid rastá leat rovit.

Almmolaš johtinoktavuođat

  • Anáris ii beasa Riebanjohkii linnjabiillain.

 Elektrovnnalaš kárttat

Bálvalusat

Ávdinstohpu

  • Sállevári ávdinstohpu. Stohpu dovdojuvvo bolesiid gámpán ja dan guoras lea maiddái dolastallanbáiki ja tealttástallansadji.

Oahpistanstohpu

  • Gáppe Aikio ja Teuvo Lehtola gámpá doaibmá oahpistanstohpun. Stobus gávdno diehtomateriála Sállevári historjjá birra.

Bálggis Sállevári alážii

  • Oahpistanstobu ja ávdinstobu gaskkas rohtte bálggis Sállevári alážii, gos lea várddus birrasiid viiddis jeaggeguovlluide.

Lápmásiid bálvalusat

  • Guovllus eai leat bálvalusat lápmásiidda.

Guovllu dikšu: Meahciráđđehus, Luonddubálvalusat (Luontopalvelut).

Dán siiddu čujuhus lea lundui.fi/sallevaribigalusbaiki.

Gieđas telefovdna, mas oidno Retkikartta.fi. Raba Retkikartta.fi:s (suomagillii) kártta, gos oidno Sállevári bigálusbáikki sajádat.

Parkerenbáiki

  • Sállevári rávvenbáiki
    Kittiläntie 7430, 99870 Anár