Kuošnjâjuuhâ / Guošjnajohka, láigostohpu

Sajádat

Davvi-Lappi, Anár, Galddoaivvi meahcceguovlu, Čeavetjávrri-Njávdáma guovlu ja Čeavetjávri–Buolbmát-johtolat.

Geassegeinnodat: Geassit leat geavahusas guokte molssaevttolaš geinnodaga.

• Njoammilguoikkas (Jäniskoski) vuolgi, oppalohkái eatnama mielde johtti geinnodat lea merkejuvvon oránša málamearkkaiguin geđggiide ja muoraide. Bálggis vuolgá Njoammilguoikka P-sajis s. 10,4 km Čeavetjávrri bára luoddaearus Njávdáma guvlui. P-sadji lea geainnu gurut bealde Čeavetjávrris boađedettiin. Sávdneguoikka stohpui johttojuvvo seamma bálgá mielde muhto lahka Njávdánjoga Guošjnajoga stohpui manni bálggis earrána bálgás johkaguora vulosguvlui. Fuomáš bálgáid earráneami! Guošjnajohkii šaddá vázzinmátki s. 12 km. Bálggis lea báikkuid geađgái ja losimus vustolagat leat Noammiloaivvi ala ja Boaresvárrái goargŋodettiin. Njávdámajoga guorra lea duolba eana.
• Čeavetjávri-Njávdáma váldogeainnu guoras vuolgi geinnodat (vázzi 3 km, fatnasiin 6 km, vázzin 3 km) geainnu gurut beale s. 250 m ovdal Jiekŋajávregeainnu (Jääjärventie) bajit geainoluotta. (Jiekŋajávregeaidnu lea geaidnomohkki). Geaidnogalbbas teaksta Luolapuro / Guošjnajohka. Geinnodat lea merkejuvvon oránša báttiin Stuorra Jiekŋajávrri pláŋkošalddi ala ja das ovddos ain Luolajávrri davágeaže fanassadjái rukses báttiin. Dán mátkái šaddá mátki s. 3 km ja dat guorada measta oppa mátkki boares bálgá.
• Luolajávrri gáttis lea fanas, Terhi Saiman, rek. 4 olbmo.  Fatnasa čoavdaga gávdno čoavddaskáhpus. Nummirkoda lea seamma go lanja uvssas. 
  Fánas-liivakássa sihke lea gárta Luolajávrris mas oainnát dorvvolamos fanasjohtolaga nuppe geahčái jávrri sihke maid jávrri máttageaže fanassadji. Fatnasiin mátki šaddá s. 6 km. Luolajávri lea s. 7 km guhkki, seakka jávri nuortadavvi-máttaviesttar guovllus ja garra bieggan lea sivva geavahit Njoammilguoikkas álgi eanageinnodaga.
• Máttageaži fanassajis šaddá vázzinmátki stohpui velá s. 3 km rukses báttiin merkejuvvon bálgá mielde. Dátge geinnodat guorada measta oppa mátkki boares bálgá. Maiddái dán fanassajis lea muorrakássa gosa fanasliivvat guđđojuvvojit.

Dálvegeinnodat: Čeavetjávrri girku buohta 17,2 km Njávdáma guvlui. Geainnu gurut bealde lea govddiduvvon geaidno oassi biilaparkerema várás. Dálvegeinnodat vuolgá geainnu gurut bealde ja geinnodat johtá gaskkohagaid mohtorgielkámáđiid mielde. Mátki stohpui lea s. 9 km. Dálvegeinnodat lea merkejuvvon alit mearkain.Mohtorgielkkáin johtin stobu lusa gáibida meahccejohtaluslobi. Lobi sáhttá skáhppot Eräluvat.fi neahttagávppis (eraluvat.fi). Fuomáš! Skáhppo lobi maŋimustá guokte vahku ovdal go vuolggat čuozáhahkii.
Lagamus gilli lea Čeavetjávri 16 km. Njávdama gilli 22km, gos lea boaldámušstášuvdna ja gávpi. Avvil-Njávdan eatnangeainnus linjabiilaoktavuohta (árgabeivviid).
Lagamus geassestohporánnjái 2 km.

Stobu koordináhtat: Euref-Fin (~ WGS84) lat: 69° 39.2021' lon: 28° 47.5281' ETRS-TM35FIN: N: 7728238 E: 569534

Retkikartta.fi (suomagillii)

Haddi

75 € / jándor dahje 525 € / vahkku. Hattit sis. 10% álv.
Stohpu várremássii njukča-golggotmánus. 

Čoavdagat

Čoavdagat leat stobu seaidnái giddejuvvon čoavddaskáhpus, man sáhttá leahkkut kodain. Rávvagat ja koda sáddejuvvo várrejumi oktavuođas.

Biergasat

Muorrauvdna liggen, gássauvdna, olgohivsset, juhkančáhci jogas, eanakeallir, olgodolasdallansadji. Fuom. Ii fanas.

Stobus leat bázahuslihtit. Loga lasi ruskkahis vánddardeamis.

Fuopmášumit

Váldde mielde wc-báber, riššasákkit, lummalámpá dahje gintalat. Stohpui oažžu buktit biebmoealliid. Mohtorgielkkáin johtin stobu lusa gáibida meahccejohtaluslobi. Lobi sáhttá skáhppot Eräluvat.fi neahttagávppis (eraluvat.fi). Fuomáš! Skáhppo lobi maŋimustá guokte vahku ovdal go vuolggat čuozáhahkii.

Giehtatelefovnnaid gullon

Guolásteapmi
Njávdánjoga lobit leat dihtomearri.
Rávdnjebáikkiin guolástettiin galgá leat mákson valtion kalastonhoitomaksu (eraluvat.fi, suomagillii) sihke vapalupa (eraluvat.fi, suomagillii). Fuomáš, ahte Njávdánjoga lobiin lea dihtomearri. Guolástanlobiid vuvdet Meahciráđđehusa áššehasbálvalansajiid.

Fuolahusas vástida

Meahciráđđehus, Luonddubálvalusat.
Lassidieđut Luondduguovddáš Siida, tel. 0206 39 7740.