Guohkkemašjávri, várrenstohpu

Stohpu lea Malla luonddumeahcis. Stohpu heive vánddardeaddjiide geat lihkadit iežas vuimmiiguin. Geassit vánddardanmátki stobu lusa sáhttá oanidit mátkkoštemiin dámppain Ruoŧa beallai Golddaluktii, mii lea 3,5 km geažes stobus. Bealle diimmu dámpamátkkiin Gilbbesjávrri rastá sáhttá čáppášit Malla luonddumeahci duovdagiid Gihcigoržžiinis. Malla-dámpa johtá mihcamárain gitta čakčamánu loahpa beallai. Dálvit stobu lusa sáhttá čuoigat. 
 

Sajádat ja oppalaš govvádus

Davvi-Lappi, Eanodat, Mallá luonddumeahcci

Stobu koordináhtat: Euref-Fin (~ WGS84) lat: 69° 03.6449'  lon: 20° 33.4408' ETRS-TM35FIN P: 7674625 I: 243445.

Várrenstohpu lea oaivvilduvvon sidjiide, geat johtet vácci, čuoigga dahje eará láhkai almmá fievrruid haga ieža. Stobu ožžot geavahit 1–2 jándora olbmot, geat leat várren oađđinsaji. Várrenstobuid geavaheapmi mátkeealáhusa fitnodatdoaimmain lea lobálaš dušše Meahciráđđehusa lobiin. 

Stohpu lea Kalohttageinnodaga guoras, Golmma riikka rádjegeađggi lahkosis, Guohkkemašjávrri davábealde. Stobus lea Norgga rádjái sullii 100 m. Várrenstobu lahkosis lea Guohkkemašjávrri ávdinstohpu.

Kalohttageinnodaga kárta
Retkikartta.fi (suomagillii)

Boahtinrávvagat Malla parkerensadjái.

Haddi ja Čoavdagiid

16,50 € /idja/olmmoš (sis. 10% alv).

Várremat Gilbbesjávrri luondduguovddáš dehe Duottar-Sámi luondduguovddáš.

Biergasat

Kamiidna ja gássaomman. Geardeseaŋggat, main guottát, bolstarat ja filttat. Láigostobus vánddardeaddjit ođđet geardeseaŋggain bálddalagaid, nuba vánddardeaddjit fertejit birget vieris olbmuiguinge. 

Fuopmášumit

Oahpásmuva ovddalgihtii Malla luonddumeahci ortnetnjuolggadusaide, buohkaid vuoigatvuođat eai leat fámus guovllus. 

Stohpui ii oaččo buktit biebmoelliid.

Earenoamážit dat, geat johtet beatnagiin, fertejit vuhtiiváldit, ahte Golddaluokta lea Ruoŧa bealde. Dárkkis beatnagiid buktin- ja doalvunnjuolggadusaid Borramušdoaimmahaga siidduin. 

Šiljus leat ávdinstohpu, goikehivsset ja muorravisti. Eana lea báikkuid juovvái, muhto stobu lahka gávdnojit soames tealtásajit. Jávrri lusa lea mátki s. 50 mehtera.

Bázahusfuolahus

Stobu olggobealde leat bázahuslihtit, muhto vánddardeaddjit ávžžuhuvvojit buktit ieža bázahusaid eret luonddus. Bázahusaid sirrenčuokkis gávdno Gilbbesjávrri luondduguovddáža šiljus. Loga eambbo ribahis vánddardeamis.

Fuolahusas vástida

Meahcceráđđehus, Luonddubálvalusat. Lassidieđut Gilbbesjávrri luondduguovddáš, tel. 0206 39 7990 ja Duottar-Sámi luondduguovddáš, tel. 0206 39 7950.

Gieđas telefovdna, mas oidno Retkikartta.fi. Raba Retkikartta.fi:s (suomagillii) kártta, gos oidno Guohkkemašjávri várrenstobu sajádat.

Vánddardanetikeahtta

1. Gudnejahte luonddu.

2. Vállje merkejuvvon máđijaid.

3. Váldde čielgasa leago gohtten lobálaš du válljen čuozáhagas.

4. Geavat dušše merkejuvvon dolastallansajiid.

5. Ruskkahis vánddardeapmi.

Loga lasi