Várrenstohpu, 12 olbmui
Sajádat, gárttat ja oppalaš govvádus
Davvi-Lappi, Eanodat gielda (enontekio.fi, suomagillii), Giehtaruohttasa meahcceguovlu
Stobu koordináhtat: Euref-Fin (~ WGS84) lat: 69° 17.1802' lon: 21° 16.0864' ETRS-TM35FIN; P: 7696874 I: 274025.
Várrenstohpu lea oaivvilduvvon sidjiide, geat johtet vácci, čuoigga dahje eará láhkai almmá fievrruid haga ieža. Stobu ožžot geavahit 1–2 jándora olbmot, geat leat várren oađđinsaji. Várrenstobuid geavaheapmi mátkeealáhusa fitnodatdoaimmain lea lobálaš dušše Meahciráđđehusa lobiin.
Ovddeš rádjegozáhusa stohpu lea Háldi lulábeale jávrri davvigáttis, sulaid 1,5 km geahčen Kalohttageinnodagas. Vuođđodivvun dahkkojuvvon jagi 2003. Vistti nuppi geažis lea ávdinstohpu / 8 olbmo. Lagamuš várrenstohpu lea Bihčosjávrris.
Kalohttageinnodaga gárta
Retkikartta.fi (suomagillii)
Boahtin Giehtaruohtasii.
Haddi ja várrehusat
16,50 € /idja/olmmoš (sis. 10% alv).
Várrehusat: Gilbbesjávrri luonddudállu, 99490 Gilbbesjávri, tel. 0206 39 7990. Várrehusat, go luonddudállu lea gitta: Duottar-Sámi luondduguovddáš, Goddeluodda 15, 99400 Eanodat, tel. 0206 39 7950.
Čoavdagiid sáhttá viežžat Gilbbesjávrri luonddudálus dan rabasorrunáiggiid, muđuid Duottar-Sámi luondduguovddážis.
Biergasat
Kamiidna ja gássaomman. Vealtameahttun vuoššanlihtit (gievdni, báiste, gáffebánno). Geardeseaŋggat, main guottat, bolstarat ja filttet. Láigostobus vánddardeaddjit ođđet geardeseaŋggain bálddalagaid, nuba vánddardeaddjit fertejit birget vieris olbmuiguinge.
Stobu olggobealde seammá šiljus lea goikehivsset ja muorravisti. 200 mehtera duohken stobus leat Háldi boares ávdinstohpu, muorravisti ja goikehivsset. Suttes eatnama áigge tealtásaji gávdnan lea measta veadjemeahttun dan dihtii go šillju lea nu juovvái.
Fuopmášumit
Fuomáš, ahte stobu liegganeapmi váldá iežas áiggi.
Mátkki alde stobu lusa leat olu allodatearut ja jogat rasttildit gáli, main lea garra rávdnji.
Stobus lea 150 m jávrri gáddái ja sullii 100 m ádjaga lusa mii golgá jávrái.
Stohpui ii oaččo buktit biebmoelliid.
Bázahusfuolahus
Stobus eai leat ruskalihtit. Juohke stobu geavaheaddji buktá iežas bázahusaid eret meahcis. Bázahusaid sirrenčuokkis gávdno Gilbbesjávrri luondduguovddáža šiljus. Loga lasi ribahis vánddardeamis.
Fuolahusas vástida
Meahciráđđehus, Luonddubálvalusat. Lassidieđut Duottar-Sámi luondduguovddáš, tel. 0206 39 7950.
