Keimiöjärvi, láigostohpu

1
Keimiöjärvi, láigostohpu. Govva: Marko Huusko.
Gievkkannurkkis leat badje- ja vuolleskáhpet ja siiddus kásterollat. Lása ovddas stohpobeavdi beaŋkkaidisguin ja nuppi nurkkis lea govda geardeseaŋga.
Keimiöjärvi, láigostohpu. Govva: Marko Huusko.
Stobus lása ovddas lea nana stohpobeavdi ja beaŋkkat. Nuppi lása vuolde seakka seaŋga ja beaŋka. Lásas leat lássaliinnit.
Keimiöjärvi, láigostohpu. Govva: Marko Huusko.
Geađgehervema seaidnebihttá ovddas lea kamiidna. Dan bálddas lea smávva beavdedássi, mas leat káffebánnot ja kásterollat. Uvssas oidno latnja, mas seakka geardeseaŋggat.
Keimiöjärvi, láigostohpu. Govva: Marko Huusko.

 

Láigostohpu, 7- 9 olbmui / 50 m2, 2 lanja.

Várrehusat

Bállásduoddara luondduguovddáš. Čoavdagiid sáhttá viežžat Bállásduoddara
luondduguovddážis. Várrehusjándor molsahuvvá d. 12.00. Várreneavttuit Keimiöjärvi láigostohpui.

Sajádat, gárttat ja oppalaš govvádus

Oarje-Lappi, Muonio gielda (muonio.fi, suomagillii), Bállás-Ylläsduoddara álbmotmeahcci

Stohpu lea Keimiöjärvi oarjedavvigáttis sulaid 17 km Bállásis ja 9 km Rauhalas. Koivarova bisánanbáikkis lea mátki stohpui sulaid 4 km.

Bállás-Ylläsduoddara álbmotmeahci gárttat
Retkikartta.fi (suomagillii)

Haddi

180 € / jándor dahje 1080 € / vahkku (sis. 10% alv).

Biergasat

Kamiidna ja gássaommán. 

Vealtameahtun vuoššan- ja boradanneavvut. Guottát, bolstarat ja filttet.
Olgohivsset. Muorravisti. Čáhci jávrris. Stobus leat ruskalihtit.

Fuopmášumit

Stohpui ii oaččo buktit biebmoelliid.

Vuodjinráva ja almmolaš fievrrut

Gihttel - Muonio -luottas nr 79 jorgaluvvo Rauhala gili buohta Jerisa guvlui luddii nr 9572. Vuddjojuvvo álbmotmeahci ráji rádjái Koivarova bisánanbáikái, gos lea stohpui 4 km mátki vácci dehe čuoigga.

Beaivválaš linnjábiilaoktavuohta Roavenjárga - Gihttel - Muonio ja nuppegežiid. Oassi vuoruin vuddjojuvvo Jerisa bakte, gos beassá om. Koivarova bisánanbáikái. Áigedávvalat (matkahuolto.fi, suomagillii).

Fuolahusas vástida

Meahciráđđehus, Lappi Luonddubálvalusat. Lassidieđut Bállásduoddara luondduguovddáš, tel. 0206 39 7930.

Gieđas telefovdna, mas oidno Retkikartta.fi. Raba Retkikartta.fi:s (suomagillii) kártta, gos oidno Keimiöjärvi láigostobu sajádat.

Vánddardanetikeahtta

1. Gudnejahte luonddu.

2. Vállje merkejuvvon máđijaid.

3. Váldde čielgasa leago gohtten lobálaš du válljen čuozáhagas.

4. Geavat dušše merkejuvvon dolastallansajiid.

5. Ruskkahis vánddardeapmi.

Loga lasi